مغربی افریقہ کے ملک برکینا فاسومیں  مسجد پر حملہ، 16 نمازی جاں بحق

برکینافاسو :برکینا فاسو کے شمالی علاقے میں مسلح افراد نے مسجد پر حملہ کیا گیاجس کے نتیجے میں 16 نمازی جاں بحق اور دو شدید زخمی ہوگئے۔

سالموسی کی جامع مسجد میں رات گئے حملہ کیا گیا ،13 نمازی موقع پر ہی جاں بحق اور دیگر تین افراد زخموں کی تاب نہ لاتے ہوئے دم توڑ گئے۔
مسجد پر حملے کے بعد لوگوں نے دارالحکومت اواگادوگو کی جانب مارچ کیا احتجاج کے منتظمین کا کہنا تھا کہ ‘ہمارے ملک میں غیر ملکی فوجیوں کی مداخلت کے لیے دہشت گردی ایک اچھا بہانہ مل گیا ہے’۔

ان کا کہنا تھا کہ ‘فرانسیسی، امریکی، کینیڈین، جرمن اور دیگر فوجوں نے ہمارے خطے میں قدم جمارکھے ہیں اور کہتے ہیں وہ دہشت گردی کے خلاف لڑنا چاہتے ہیں لیکن اس قدر موجودگی کے باوجود دہشت گر گروپ مضبوط تر ہوتے جارہے ہیں’۔

برکینا فاسو کی فورسز دہشت گردوں کے خلاف موثر کارروائی سے قاصر ہیں جبکہ فرانس کے 200 فوجی بھی ملک میں موجود ہیں جو مختلف کارروائیوں میں حصہ لیتے ہیں۔کشیدگی کے باعث کم ازکم 5 لاکھ افراد اپنا گھربار چھوڑ کر ہجرت کرچکے ہیں جبکہ 15 لاکھ افراد کے متاثر ہونے کا خدشہ ظاہر کرتے ہوئے انسانی بحران سے بھی خبردار کیا تھا۔برکینافاسو میں اسکول بند ہیں اور ملک کی تجارت اور مارکیٹوں میں بحرانی کیفیت ہے۔