اسکرپٹ گھرلایا نہ زاویار کو ساتھ لے کرگیا، بیٹے کا شوبز میں آنا اتفاق ہے،نعمان اعجاز

پاکستان شوبز انڈسٹری کے ورسٹائل اداکار نعمان اعجازکاکہنا ہے کہ میرے بیٹے کاشوبز میں آنا اتفاق ہے، میں کبھی اسکرپٹ گھرلایا نہ شوٹنگ پر لے کرگیا۔

ڈرامہ سیریل سنگ ماہ میں حاجی مرجان خان کا کردار ادا کرنے والے اداکار نعمان اعجاز کے بیٹے زاویار اعجازنے بھی شوبز انڈسٹری میں قدم رکھ دیا ہے، اس حوالے سے زاویار اعجازکا کہنا ہے کہ والد کے ساتھ کام کرنا تھوڑا مشکل تھا۔

مزید پڑھیں:نعمان اعجاز کے شو میں آمد کی دعوت، فیصل قریشی نے معذرت کر لی

زاویار اعجاز نے حال ہی میں شوبز انڈسٹری میں اپنے کیریئر کا آغاز کیا ہے اور ابتدا میں ہی انہیں اپنے والد اور نعمان اعجاز کے ساتھ ایک پراجیکٹ میں کام کرنے کا موقع مل گیا۔

پراجیکٹ کے دوران اپنے والد کے ساتھ وقت گزارنااور ان سے بہت کچھ سیکھنا اچھا بھی لگا، یہ پراجیکٹ ان کے لیے بہت مختلف تھا۔والد کا رویہ بالکل ویسا ہی ہوتا ہے جیسا کہ باقی ساتھی اداکاروں کے ساتھ ہوتا ہے۔

انہوں نے مزید کہا کہ میری ذمہ داری ہے کہ والد کے نقشِ قدم پر چلوں لیکن جھوٹ نہیں بولوں گاکہ والد کے نقشِ قدم پر چلنا اتنا آسان نہیں ہے۔