سستے پاکستان کا پراپیگنڈاکرنے کے بجائے منی بجٹ واپس لیں،شہبازشریف

لاہور:مسلم لیگ ن کے صدرشہبازشریف نے اپنے ایک بیان میں کہاہےکہ موجودہ حکومت کامنی بجٹ قومی سلامتی اور خودمختاری کا سودا ہے،جسے اپوزیشن کبھی منظورنہیں ہونےدےگی۔

شہبازشریف نے کہاموجودہ حکومت آئے روزسستاپاکستان کاشور مچاتی رہتی ہےلیکن انہیں ملک کے غریب عوام کابالکل بھی احساس نہیں، ملک میں اتنی مہنگائی ہے کہ عام آدمی خودکشی کرنے پرمجبور ہوچکاہے،ایسے میں حکومت  کے آئندہ آنے والے منی بجٹ سے معاشی خودمختاری ہارجائےگی،اس لیے سستے پاکستان کاشورمچانے کے بجائے ملک کے غریب عوام کوریلیف فراہم کیاجائے۔

یہ بھی پڑھیں:اُمید ہے دنیا افغانستان سے قطع تعلق کی غلطی نہیں دہرائے گی،وزیراعظم

انہوں نے کہاکہ حکومت کوچاہیے کہ وہ منی بجٹ واپس لے کیونکہ اس سے مہنگائی کانیا دور شروع ہوگاجس کے ملک کے عوام متحمل نہیں ہوسکتے،مہنگائی کا علاج مزید مہنگائی کی کڑوی گولی سے کرنا حماقت اورظلم کی انتہا ہے،اپوزیشن لیڈر کا کہنا تھاکہ منی بجٹ بلڈوز کرکے منظور کرایا گیا تو پاکستان کی نئی اسٹیبلشمنٹ کا نام آئی ایم ایف ہوگا۔