سعید اجمل نے قومی ٹیم کے اسپن باؤلنگ کوچ کیلئے درخواست جمع کرادی

لاہور: سابق ٹیسٹ کرکٹر سعید اجمل نے قومی ٹیم کے اسپن بولنگ کوچ کے لیے درخواست جمع کرادی۔

پاکستان کرکٹ بورڈ (پی سی بی) نے اسپن بولنگ کوچ کےلیے اشتہار دے کر درخواستیں طلب کی تھیں جس کے بعد سعید اجمل نے قومی ٹیم کا اسپن بولنگ کوچ بننے کی خواہش ظاہر کرتے ہوئے اس عہدے کےلیے درخواست جمع کرادی ہے۔

سابق اسپنر سعید اجمل نے پی سی بی ہیڈ کوارٹر میں درخواست جمع کروائی جس میں کہا گیا ہےکہ اسپن بولنگ کوچ کے عہدے کیلئے تمام شقوں پر پورا اترتا ہوں اور پاکستان ٹیم کے ساتھ کام کرکے نوجوان بولرز کی مدد کرنا خواہش ہے۔

واضح رہے کہ اسپن باؤلنگ کوچ کے لیے مشتاق احمد نے بھی درخواست دے رکھی ہے اور انہیں اس عہدے کے لیے مضبوط امیدوار قرار دیا جارہا ہے،مایہ ناز سپنر سعید اجمل بھی اس صف میں شامل ہو چکے ہیں۔