گوگل نیوز پر ہمیں فالو کریںپاکستانی اداکارہ ماہرہ خان نے جنسی زیادتی اور گھریلو تشدد کے خاتمے کا عزم ظاہر کرتے ہوئے بین الاقوامی مہم میں حصہ لینے کا اعلان کردیا ہے جس کا مقصد عوام کے شعورو آگہی میں اضافہ کرنا ہے۔
فوٹو شیئرنگ پلیٹ فارم انسٹا گرام پر اپنے پیغام میں اداکارہ ماہرہ خان نے کہا کہ ہر شخص کو جنسی زیادتی اور گھریلو تشدد کے خلاف کھڑے ہو کر اور عالمی مہم کا حصہ بن کر عوام میں شعور و آگہی کو فروغ دینا ہوگا۔
View this post on Instagram
اپنی ایک اور انسٹا گرام پوسٹ میں اداکارہ ماہرہ خان نے کہا کہ ہمیں خاموشی کی روایت ختم کرنا ہوگی جو طویل عرصے سے لوگوں کو گھریلو تشدد اور جنسی زیادتی جیسے واقعات کو چپ چاپ سہنے پر مجبور کررہی ہے۔
ڈرامہ سیریل ہم کہاں کے سچے تھے میں اداکاری کے جوہر دکھانے والی ماہرہ خان بین الاقوامی مہم کا حصہ بن گئی ہیں جس میں دنیا کے 54 ممالک سے تعلق رکھنے والے ایٹھلیٹس، سوشل میڈیا اسٹارز اور شوبز شخصیات شامل ہیں۔
View this post on Instagram
اقوامِ متحدہ کے بہبودِ آبادی سے متعلق ادارے پاپولیشن فنڈ کا کہنا ہے کہ پاکستان کی 32 فیصد خواتین جسمانی تشدد جبکہ 40 فیصد شادی شدہ خواتین اپنے شوہروں کے ہاتھوں گھریلو تشدد کا شکار بنتی ہیں۔
یہ بھی پڑھیں: اداکارہ کبریٰ خان نے اپنی شخصیت کو ماہرہ سے ملا دیا
