گوگل نیوز پر ہمیں فالو کریںممبئی: معروف بھارتی کامیڈین اور فلم اسٹار کرشنا ابھیشیک کے مالی اختلافات کا حل نکال لیا گیا، کرشنا نے کپل شرما شو میں واپسی کی ہامی بھر لی ہے۔
تفصیلات کے مطابق کرشنا ابھیشیک نے کپل شرما شو میں اپنے کردار سپنا کیلئے شہرت حاصل کی تاہم گزشتہ برس ستمبر کے دوران کرشنا کپل شرما شو سے مالی اختلافات کے باعث الگ ہو گئے۔
ملتان میں معروف اسٹیج ڈانسر کو قتل کر دیا گیا
حال ہی میں بھارتی میڈیا (ٹائمز آف انڈیا) کو دئیے گئے انٹرویو کے دوران کرشنا نے کہا کہ میں شو میں واپس آ کر خوش ہوں جبکہ یہ میرے دل کی نہیں، بلکہ ایگریمنٹ کی تبدیلی ہے۔
معاہدے کے متعلق کرشنا ابھیشیک کا کہنا ہے کہ میرے کنٹریکٹ میں رقم سمیت کئی اختلافات اور خدشات تھے، تاہم تمام مسائل حل ہو گئے ہیں۔ میرے کردار سپنا کی کپل شرما شو میں زبردست واپسی ہوگی۔
کرشنا ابھیشیک کا کہنا ہے کہ میں اپنے سامعین کا شکر گزار ہوں جو مجھے شو میں واپس لانے کے خواہش مند تھے۔ اتوار کو کپل شرما کی رہائش گاہ پر ریہرسل کے پہلے روز میرا پرتپاک استقبال ہوا۔
بھارتی کامیڈین نے کہا کہ میرا استقبال کیکو اور کپل شرما نے خود کیا۔ ہماری کسی سے دشمنی یا اختلاف نہیں، بلکہ ہم اپنے اسکرپٹ پر کام کرنے کیلئے ایک ساتھ بیٹھتے ہیں۔ ہم اب بھی ایسا ہی کر رہے ہیں۔
