گوگل نیوز پر ہمیں فالو کریںراولپنڈی: پاکستان اور بھارت کے بریگیڈیر کمانڈرز کی پونچھ کراسنگ پوائنٹ پر اہم فلیگ میٹنگ ہوئی ہے۔ میٹنگ کے دوران تعین شدہ نکات پر عمل درآمد کے لئے لائحہ عمل کا جائزہ لیاگیا۔
پاک فوج کے شعبہ تعلقات عامہ ( آئی ایس پی آر ) کے مطابق پاکستان اور بھارت کے بریگیڈ کمانڈرز کی سطح پر فلیگ میٹنگ راولا کوٹ پونچھ کراسنگ پوائنٹ کا مقام چنا گیا تھا۔
ترجمان آئی ایس پی آر کے مطابق دونوں ممالک کے درمیان ہونے والی اس فلیگ شپ میٹنگ میں لائن آف کنٹرول (ایل او سی) پر تعین شدہ نکات پر عملدرآمد کیلئے لائحہ عمل کا جائزہ لیا گیا۔
خیال رہے کہ اس سے قبل دونوں ممالک کی فوج کے ڈی جی ایم اوز کا گزشتہ ماہ ہاٹ لائن پر رابطہ ہوا تھا، جس میں دونوں جانب سے لائن آف کنٹرول پر فائر بندی کرنے کا فیصلہ کیا گیا تھا۔
یہ بھی پڑھیں : پاکستان کا زمین سے زمین تک مار کرنے والے بیلسٹک میزائل شاہین ون اے کا کامیاب تجربہ
