گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ سی پیک منصوبوں پر عمل درآمد کی کاوشیں رنگ لا رہی ہیں جبکہ پاک چین مشترکہ پاور پلانٹ کا افتتاح خوش آئند ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ سی پیک سے جڑے خوابوں کی تعبیر کا وقت آ پہنچا ہے، جبکہ پاکستان کی مخلصانہ کاوشوں سے مشترکہ پاورپلانٹ کا افتتاح ہوا۔
یہ بھی پڑھیں: فضل الرحمان کے مارچ میں رکاوٹ برداشت نہیں کریں گے۔اپوزیشن رہبر کمیٹی
معاونِ خصوصی اطلاعات نے کہا کہ موجودہ حکومت کے شفاف طرزِ حکمرانی اور بدعنوانی کے خلاف عزمِ مصمم کے پیش نظر بیرونی کمپنیاں بھی پاکستان میں سرمایہ کاری میں گہری دلچسپی لے رہی ہیں۔
موجودہ حکومت کےشفافیت اوربدعنوانی کے خلاف عزم کے پیش نظر بیرونی کمپنیاں پاکستان میں سرمایہ کاری کرنےمیں گہری دلچسپی لے رہی ہیں۔
— Dr. Firdous Ashiq Awan (@Dr_FirdousAwan) October 22, 2019
فردوس عاشق اعوان نے کہا کہ سندھ اور بلوچستان پاکستانی وفاق کے دو خوبصورت گلدستے ہیں جبکہ وزیر اعظم عمران خان دونوں صوبوں کی پسماندگی دور کرنے اور عوم کے معیارِ زندگی بلند کرنے کے لیے اقدامات اٹھا رہے ہیں۔
سندھ اور بلوچستان وفاق پاکستان کے دو خوبصورت گلدستے ہیں۔وزیر اعظم عمران خان سندھ اور بلوچستان کی پسماندگی کو دور کرنے اور وہاں کے عوام کے معیار زندگی کو بلند کرنے کیلئے مخلصانہ کاوشیں کر رہے ہیں ۔
— Dr. Firdous Ashiq Awan (@Dr_FirdousAwan) October 22, 2019
یاد رہے کہ اس سے قبل معاونِ خصوصی اطلاعات فردوس عاشق اعوان نے کہا کہ وزیر اعظم عمران خان شہر قائد کی ترقی کے لیے پر عزم ہیں، جبکہ کراچی پاکستان کا معاشی مرکز ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں ڈاکٹر فردوس عاشق اعوان نے کہا کہ وزیر اعظم عمران خان کراچی کے عوام کا دکھ سمجھتے اور اس کا مداوا کرنا چاہتے ہیں۔
فردوس عاشق اعوان نے سندھ حکومت کی کارکردگی پر سوال اٹھاتے ہوئے کہا کہ سندھ کے عوام چوپٹ راج سے بے زار ہوچکے، وزیر اعظم ایم کیو ایم اور جی ڈی اے کے قائدین سے مل کر اصلاحِ احوال کی راہ ہموار کریں گے۔
مزید پڑھیں: وزیر اعظم عمران خان کراچی کی ترقی کے لیے پر عزم ہیں۔فردوس عاشق اعوان
