گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات فردوس عاشق اعوان نے مولانا فضل الرحمان کو مذاکرات کی راہ اپنانے کا مشورہ دیتے ہوئے کہا ہے کہ یہ جمہوریت میں واحد راستہ ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ امن کے لیے قوم نے بہت بھاری قیمت ادا کی اور ہزاروں جانوں کی قربانیاں دی گئیں جس سے پاکستان میں امن کے دئیے روشن ہوئے۔
یہ بھی پڑھیں: نواز شریف کی طبی بنیاد پر رہائی کے لیے وزیر اعلیٰ پنجاب عثمان بزدار کو نوٹس جاری
فردوس عاشق اعوان نے سوال کیا کہ مولانا فضل الرحمان امن کے چراغ کیوں بجھانا چاہتے ہیں جبکہ جمہوریت میں غلط فہمیوں کے خاتمے اور اتفاقِ رائے پیدا کرنے کے لیے مذاکرات کا راستہ اپنایا جاتا ہے۔
امن کے لئے قوم نے بہت بھاری قیمت دی ہے۔ہزاروں جانوں کی قربانی سے ملک میں امن کے دیے روشن ہوئے۔فضل الرحمان امن کے چراغ کیوں بجھانا چاہتے ہیں؟ جمہوریت میں مذاکرات ہی غلط فہمیوں کے خاتمے اور اتفاق رائے پیدا کرنے کا واحد راستہ ہے۔بات چیت سے ہی مسائل کا حل نکلتا ہے۔
— Dr. Firdous Ashiq Awan (@Dr_FirdousAwan) October 26, 2019
انہوں نے جمعیت علمائے اسلام (ف) کے سربراہ مولانا فضل الرحمان کو مشورہ دیا کہ وہ اپنی انا، ضد اور ذات کے خول سے باہر نکلیں جبکہ پاکستان کو درپیش چیلنجز کے تناظر میں اتحاد اور یکجہتی وقت کی ضرورت ہے۔
ان کا کہنا تھا کہ قومی ترقی کے حصول اور ملکی ترقی کے حوالے سے پاکستان کے ہر فرد کو مل جل کر کاوشیں کرنا ہوں گی، تبھی پاکستان ایک عظیم تر ملک بن سکتا ہے۔
فضل الرحمان اپنی انا، ضد اور ذات کے خول سے باہر نکلیں۔ پاکستان کو درپیش چیلنجز کے تناظر میں اتحاد اور یکجہتی وقت کی اہم ضرورت ہے۔قومی ترقی کے حصول اور پاکستان کو عظیم تر بنانے کیلئے سب کو مل کر کاوشیں کرنا ہوں گی۔
— Dr. Firdous Ashiq Awan (@Dr_FirdousAwan) October 26, 2019
یاد رہے کہ اس سے قبل وزیر اعظم کی معاونِ خصوصی برائے اطلاعات ڈاکٹر فردوس عاشق اعوان نے کہا کہ ہم ریاست کی رِٹ کو چیلنج کسی صورت برداشت نہیں کریں گے کیونکہ دشمن پاکستان میں غیر یقینی صورتحال کا فائدہ اٹھا سکتا ہے۔
میڈیا سے گفتگو کرتے ہوئے انہوں نے کہا کہ حکومت ایک نکاتی ایجنڈے پر عمل چاہتی ہے جو صرف اتنا ہے کہ ملک میں انتشار نہ پھیلایا جائے، اپوزیشن کسی ڈنڈا بردار فورس کو سامنے نہ لائے۔
مزید پڑھیں: دشمن پاکستان میں غیر یقینی صورتحال کا فائدہ اٹھا سکتا ہے۔فردوس عاشق اعوان
