گوگل نیوز پر ہمیں فالو کریںاسلام آباد: کورونا وائرس کی بگڑی ہوئی صورتحال کے پیش نظر ملک بھر میں تعلیمی ادارے کھولنے یا نہ کھولنے کا فیصلہ آئندہ ہفتے کیا جائے گا۔
تفصیلات کے مطابق وفاقی وزیرتعلیم شفقت محمود نے سماجی رابطے کی ویب سائٹ ٹوئٹر پرجاری پیغام میں لکھا ہے کہ نیشنل کمانڈ اینڈ آپریشن سینٹر (این سی اوسی) کا تعلیمی اداروں سے متعلق اہم اجلاس 6اپریل کوطلب کیا گیا ہے ۔
Education and Health Ministers will meet at the NCOC Tuesday to decide whether to open or further close educational institutions. The exam situation will also be discussed. Whatever is decided will be a collective decision of the country’s health and education authorities & NCOC
— Shafqat Mahmood (@Shafqat_Mahmood) April 4, 2021
سماجی رابطے کی ویب سائٹ پر شیئر کئےگئے پیغام میں وفاقی وزیر تعلیم شفقت محمود کا کہنا ہے کہ 6 اپریل کو ہونے والے اجلاس میں امتحانات کی صورتحال کا بھی جائزہ لیا جائے گا۔ان کا کہنا ہے کہ تعلیم اور صحت سے متعلق ملک بھر کی صورتحال کا جائزہ لے کر فیصلے کیے جائیں گے۔
واضح رہے کہ کورونا کی تشویشناک صورتحال کے پیشِ نظر وفاقی حکومت نے پاکستان میں 11 اپریل تک تعلیمی ادارے بند رکھنے کا فیصلہ کیا تھا۔ یاد رہے کہ 25 مارچ کو حکومت نے 18 اضلاع کے تعلیمی اداروں کو 11 اپریل تک بند رکھنے کا حکم دیا تھا۔
یہ بھی پڑھیں : پاکستان میں کورونا کی ویکسین کین سائنو کا استعمال 5 اپریل سے شروع ہوگا
