وزیر اعظم نے وفا کا جو صلہ دیا یا د رکھوں گا، عامر لیاقت وزیر اعظم سے ناراض

کراچی:ڈاکٹر عامر لیاقت حسین نے وزیر اعظم عمران خان سے راہیں جدا کرنے کا عندیہ دے دیا۔ پاکستان تحریک انصاف کے رکن قومی اسمبلی ڈاکٹر عامر لیاقت نے ٹوئٹر پر اپنے خیالات کا اظہار کیا۔

پاکستان تحریک انصاف کے رکن قومی اسمبلی ڈاکٹر عامر لیاقت حسین نے سماجی رابطے کی ویب سائٹ ٹوئٹر پر پیغام جاری کرتے ہوئے پی ٹی آئی سے راہیں جدا کرنے کا عندیہ دیتے ہوئے وزیراعظم کو نہ گھبرانے کا مشورہ دیا۔

وزیراعظم صاحب جو کم بخت آپ کو چاہتے ہیں وہ آپ کے بدترین رویے کے باوجود ساتھ ہیں، گھبرانا نہیں ہے، اعصاب کا کھیل ہے ،اللہ پاکستان کے لیے بہتر فرمائے گا،اس کے بعدہمارے راستے جدا!! آپ نےُوفا کا جو صلہ دیا وہ یادرکھوں گا ، سلامت رہیےُاور ہوسکے تو استغفار کی کثرت کیجیے@ImranKhanPTI

— Aamir Liaquat Husain (@AamirLiaquat) March 13, 2022

ڈاکٹر عامر لیاقت حسین نے اپنے ٹوئٹ میں مزید کہا کہ وزیر اعظم عمران خان آپکے چاہنے والے آپکے بدترین رویے کے باوجود آپکے ساتھ ہیں، اعصاب کا کھیل ہے، اللہ پاکستان کے لیے بہتر کرے، اس کے بعد ہمارے راستے جدا۔

مزید پڑھیں: تحریکِ عدم اعتماد پر قومی اسمبلی کا اجلاس 22مارچ سے قبل بلانے کی تجویز

پاکستان تحریک انصاف کے رکن قومی اسمبلی نے لکھا کہ وزیر اعظم عمران خان نے وفا کا جو صلہ دیا یا د رکھوں گا۔واضح رہے کہ اس سے قبل بھی ڈاکٹر عامر لیاقت حسین تحریک انصاف سے علیحدگی کا عندیہ دے چکے ہیں۔