گوگل نیوز پر ہمیں فالو کریںجنوبی پنجاب کے علاقے کوٹ ادو میں بیوی پر تشدد کے دوران شوہر نے خاتون کو تشدد سے بچانے والے پڑوسی نوجوان کو قتل کردیا۔
پولیس کے مطابق کوٹ ادو کے علاقے پتی سلطان محمود شرقی میں ملزم گھر میں اپنی بیوی پر تشدد کر رہا تھا، اس دوران شوہر کے تشدد سے خاتون کے رونے کی آواز پر ہمسایہ نوجوان نے بیوی کو شوہر کے تشدد سے بچانے کی کوشش کی تو اہلیہ کو چھوڑ کر ملزم نے نوجوان پر فائرنگ کردی۔
ملزم کی فائرنگ کے نتیجے میں بیوی کو تشدد سے بچانے کی کوشش کرنے والا ہمسایہ نوجوان موقع پر ہی دم توڑ گیا۔ پولیس کے مطابق واقعے کے بعد ملزم موقع سے فرار ہوگیا جس کی تلاش جاری ہے اور اس حوالے سے مزید تحقیقات بھی کی جا رہی ہیں۔
پولیس حکام کے مطابق اس افسوس ناک واقعے کا مقدمہ درج کرنے کے بعد پولیس نے ملزم کی گرفتاری کیلئے کارروائی شروع کر دی ہے۔
