گوگل نیوز پر ہمیں فالو کریںپشاور: ویمن یونیورسٹی صوابی نے خواتین طالبات کے داخلے کے لیے عمر کی حد ختم کردی ہے اور اب یونیورسٹی کے کسی بھی شعبہ میں داخلہ لینے والی خواتین پر عمر کی کوئی پابندی نہیں ہوگی۔
یہ فیصلہ خواتین کے شادی کے بعد ان کی تعلیم ادھوری چھوڑنے یا کسی اور وجہ سے چھوڑنے کے کیسز کے پیش نظر کیا گیا۔
ہفتہ کو یہاں جاری ایک پریس ریلیز میں کہا گیا کہ یہ فیصلہ یونیورسٹی کی اکیڈمک کونسل کے 25ویں اجلاس میں کیا گیا جس کی صدارت وائس چانسلر شاہانہ عروج نے کی۔
اجلاس میں یونیورسٹی کے تعلیمی امور سے متعلق مختلف اہم فیصلے کئے گئے۔ اجلاس میں تمام محکموں کے سربراہان اور انتظامی افسران نے بھی شرکت کی۔
یونیورسٹی کے دروازے کھولنے کے تاریخی فیصلے کے بعد خواتین اوپن میرٹ پر داخلہ لے سکیں گی۔
مزید پڑھیں:ذہنی امراض بھگانے کی پاکستانی ایجاد نے امریکا میں اعلیٰ اعزاز جیت لیا
اجلاس میں یونیورسٹی کے شعبہ انگلش کے پہلے بورڈ آف اسٹڈیز آف لینگویج اینڈ لٹریچر کے ساتھ ساتھ 24ویں، چوتھے، پانچویں اور چھٹے ایڈوانسڈ اسٹڈیز اینڈ ریسرچ بورڈ کے منٹس کی بھی منظوری دی گئی اور داخلہ فیس میں بھی اضافہ کیا گیا۔
