گوگل نیوز پر ہمیں فالو کریںپاکستان تحریک انصاف کی قیادت نے حالیہ مظاہروں کے دوران اسلام آباد میں پارٹی کارکنوں کی ہلاکتوں پر وزیر اعظم شہباز شریف اور حکومتی اتحاد کے دیگر سینئر ارکان کے خلاف ایف آئی آر درج کروانے کا اعلان کیا ہے۔
پشاور میں ایک پریس کانفرنس کے دوران پی ٹی آئی کے ترجمان شیخ وقاص اکرم نے حکومت پر سچ چھپانے کی کوشش کا الزام لگایا۔ ان کا کہنا تھا کہ جو بھی حقائق سامنے لانے کی کوشش کرتا ہے، اسے گرفتار کیا جا رہا ہے۔ انہوں نے اعلان کیا کہ وزیر اعظم شہباز شریف، وزیر داخلہ محسن نقوی اور وزیر اطلاعات عطااللہ تارڑ کے خلاف قانونی کارروائی کی جائے گی۔
انقلابی شلواریں چھوڑ کر بھاگ گئے اور، سوشل میڈیا پر پی ٹی آئی احتجاج پر کڑی تنقید
یہ اعلان قانون نافذ کرنے والے اداروں کی جانب سے بڑے کریک ڈاؤن کے بعد کیا گیا، جس کے دوران اسلام آباد کے ڈی چوک میں جمع مظاہرین کو منتشر کرنے کے لیے کارروائی کی گئی۔ اس آپریشن میں تقریباً 1000 پی ٹی آئی کارکنوں کو گرفتار کیا گیا۔ مظاہرین پارٹی کے بانی عمران خان کی رہائی کے لیے احتجاج کر رہے تھے، جو ایک سال سے زیادہ عرصے سے قید ہیں۔
شیخ وقاص اکرم نے کہا کہ پارٹی کے قانونی ماہرین گرفتار کارکنوں کی مدد کر رہے ہیں اور اس بات پر زور دیا کہ مظاہرین پرامن تھے اور انہیں دہشت گرد قرار دینا غلط ہے۔ انہوں نے دعویٰ کیا کہ حکومت حقیقت کو جھٹلا رہی ہے، اور ان کے پاس مظاہروں کے دوران فائرنگ کی ویڈیو ثبوت موجود ہیں۔
کھاریاں کے کھسرے اپنا گرو چھڑوا کر لے گئے تھے لیکن، پی ٹی آئی کے ناکام احتجاج پر میمز وائرل
ترجمان پی ٹی آئی نے کہا کہ مظاہروں کے دوران کم از کم 12 افراد موقع پر ہی ہلاک ہو گئے، جن کی لاشیں ان کے خاندانوں کے حوالے نہیں کی گئیں۔ انہوں نے حکومت پر الزام عائد کیا کہ اسلام آباد کے پولی کلینک اسپتال پر دباؤ ڈال کر مرنے والوں اور زخمیوں کی معلومات چھپائی جا رہی ہیں۔
ان کا مزید کہنا تھا کہ کئی پی ٹی آئی حمایتی اب بھی پولیس کی تحویل میں لاپتہ ہیں۔پی ٹی آئی کی قیادت کا کہنا ہے کہ وہ مظاہرین کی ہلاکتوں پر حکومت کو جوابدہ ٹھہرانے کے لیے تمام قانونی راستے اختیار کرے گی۔
