گوگل نیوز پر ہمیں فالو کریںاسلام آباد: وزیر اعظم کے معاونِ خصوصی برائے امورِ صحت ڈاکٹر ظفر مرزا نے کہا ہے کہ عالمی ادارۂ صحت کی سفارشات پر پاکستان میں 2014ء سے عملدرآمد کر رہے ہیں جو پابندی کی حیثیت نہیں رکھتیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی نے کہا کہ پولیو وائرس سے متاثرہ ممالک کےلئے سفارشات پر نظر ثانی و توسیع ہوتی ہے جبکہ مسافروں کے لیے کوئی نئی سفارشات نہیں۔
معاونِ خصوصی صحت ڈاکٹر ظفر مرزا نے کہا کہ حکومتِ پاکستان کسی اور سے زیادہ پاکستان کو پولیو سے پاک دیکھنے کی خواہش رکھتی ہے۔ 2014ء سے ملک چھوڑنے والے مسافروں کی ویکسینیشن پر سفارشات پر عملدرآمد جاری ہے۔
GoP is keen to see the #PolioFreePakistan more than anybody else. IHR recommendations on vaccination of departing international travelers are implemented since 2014 to prevent risk of international transmission. #PakFightsPolio
— Zafar Mirza (@zfrmrza) January 12, 2020
ڈاکٹر ظفر مرزا نے کہا کہ دسمبر میں ملک میں 4 کروڑ بچوں کو ویکسین پلائی گئی جبکہ پولیو سے پاک پاکستان کے لیے مؤثر حکمتِ عملی اپنائی گئی جبکہ منتخب اضلاع میں 13 جنوری سے جارحانہ مہم شروع ہوگی۔
With successful Dec NID vaccinating 40 m kids, transformed #PakistanPolio program has rolled out comprehensive strategy to overcome challenges in sustainable manner. An agressive response in select districts shall commence from Monday, 13 Jan.#PakFightsPolio #PolioFreePakistan
— Zafar Mirza (@zfrmrza) January 12, 2020
یاد رہے کہ اس سے قبل وزیر اعظم کے معاون خصوصی برائے صحت ڈاکٹر ظفرمرزا نے پولی کلینک کا دورہ کیا اور اسپتال کے مختلف وارڈ میں مریضوں کو فراہم کی جانے والی طبی سہولیات کا جائزہ لیا اور ہدایات جاری کیں۔
چار روز قبل ڈاکٹر ظفر مرزا کا کہنا تھا کہ مریضوں کو طبی سہولیات کی فراہمی ہر صورت یقینی بنائیںادویات بلاتعطل فراہم کی جائیں انتظامیہ ، ڈاکٹرز اور پیرا میڈیکل سٹاف لگن اور جزبے سے کام کریں گے۔
مزید پڑھیں: مریضوں کو ادویات کی فراہمی یقینی بنائیں، ڈاکٹر ظفر مرزا
