پاکستان آئندہ 4 سال کے دوران کون کون سی ٹیموں کی میزبانی کرے گا؟

پاکستان کرکٹ بورڈ نے آئندہ 4 سالوں کیلئے قومی ٹیم کے مستقبل کے ٹور پروگرام کا اعلان کردیا۔

کرکٹ بورڈ کے جاری کردہ اعلامیے کے مطابق سال 2023 سے 2027 کے دوران آئی سی سی فل بورڈز کے 12 میں سے 10 ارکان کی ٹیموں کی پاکستان میزبانی کرے گا۔

???? Key points from Pakistan Men’s Future Tours Programme (FTP) 2023-2027 ???? pic.twitter.com/nSl57p0WRa

— Pakistan Cricket (@TheRealPCB) August 17, 2022

اس دوران انگلینڈ، نیوزی لینڈ، جنوبی افریقہ، سری لنکا جیسے مضبوط حریفوں کے علاوہ بنگلہ دیش اور ویسٹ انڈیز کی ٹیمیں ٹیسٹ سیریز کھیلنے پاکستان آئیں گی جبکہ افغانستان، آسٹریلیا، آئرلینڈ اور زمبابوے کی ٹیمیں محدود طرز کی کرکٹ کیلئے پاکستان کا دورہ کریں گی۔

دوسری جانب پاکستان، نیوزی لینڈ اور جنوبی افریقہ پر مشتمل دو سہ ملکی کرکٹ سیریز بھی فروری 2024 میں کھیلی جائے گی جبکہ دوسری سیریز میں انگلینڈ اور سری لنکا کی ٹیمیں پاکستان کے مدمقابل آئیں گی۔