گوگل نیوز پر ہمیں فالو کریںوزیرِاعظم محمد شہباز شریف نے بیرون ملک مقیم پاکستانیوں کے لیے ایک ہمہ جہت فلاحی پیکیج کا اعلان کیا ہے جس کا مقصد قانونی مسائل کا تیز تر حل، تعلیم، ملازمت، تربیت، سرمایہ کاری، ٹیکس میں آسانی اور دیگر سہولیات فراہم کرنا ہے۔ اس پیکیج کے ذریعے حکومت نے بیرونِ ملک پاکستانیوں کے دیرینہ مطالبات کو تسلیم کرتے ہوئے متعدد عملی اقدامات متعارف کرائے ہیں۔
پیکیج میں شامل اہم نکات:
خصوصی عدالتیں برائے بیرونِ ملک پاکستانی
اسلام آباد میں خصوصی عدالت قائم کی گئی ہے۔
یہ عدالتیں آئندہ تمام صوبوں میں بھی قائم کی جائیں گی تاکہ قانونی مقدمات تیز رفتاری سے نمٹائے جا سکیں۔
آن لائن قانونی معاونت
بیرونِ ملک پاکستانی اب ویڈیو لنک کے ذریعے گواہی دے سکیں گے، پاکستان آنے کی ضرورت نہیں ہوگی
آن لائن قانونی دستاویزات جمع کرانے اور ریکارڈنگ کا نظام بنایا جا رہا ہے۔
تعلیمی کوٹہ برائے بچوں
تمام چارٹرڈ یونیورسٹیوں میں 5 فیصد کوٹہ مختص۔
اسلام آباد کے ڈگری دینے والے اداروں میں 5 فیصد کوٹہ۔
میڈیکل کالجز میں 15 فیصد کوٹہ مخصوص کیا گیا ہے۔
ہنر مندی کی تربیت
بیرونِ ملک پاکستانیوں کے بچوں کوکورسز کرائے جائیں گے۔
ٹیکس میں آسانی
بیرونِ ملک پاکستانیوں کو ایف بی آر کی فائلر فہرست میں شامل کیا جائے گا۔
بینکاری اور کاروباری لین دین پر ٹیکس کم ہوگا۔
سرکاری ملازمتوں میں عمر کی نرمی
مرد درخواست دہندگان کے لیے 5 سال اور خواتین کے لیے 7 سال کی عمر میں نرمی دی جائے گی۔
ایئرپورٹس پر گرین چینل کی بحالی
بیرونِ ملک پاکستانیوں کے لیے ایئرپورٹس پر تیز اور آسان کلیئرنس کے لیے گرین چینل دوبارہ بحال کیا جا رہا ہے۔
اعلیٰ ترسیلات بھیجنے والوں کے لیے اعزازات
ہر سال 14 اگست کو وہ بیرونِ ملک پاکستانی جنہوں نے سب سے زیادہ ترسیلات بھجوائیں، انہیں سول ایوارڈز سے نوازا جائے گا۔
سفارت خانے اور اوورسیز پاکستانی فاؤنڈیشن نامزدگیاں کریں گے۔
سرمایہ کاری کے تحفظ کی یقین دہانی
وزیرِاعظم نے وعدہ کیا کہ بیرونِ ملک پاکستانیوں کی سرمایہ کاری کا تحفظ خود یقینی بنائیں گے۔
ڈپٹی وزیراعظم اسحاق ڈار کی سربراہی میں کمیٹی قائم کی گئی ہے جو بیرونِ ملک مسائل کی نگرانی کرے گی۔
بیرونِ ملک ڈیجیٹل سہولیات
پنجاب کی آن لائن پراپرٹی رجسٹریشن کا نظام لندن میں پاکستانی ہائی کمیشن میں آزمائشی بنیادوں پر شروع ہوگا، پھر دیگر ممالک میں توسیع دی جائے گی۔
سالانہ اوورسیز کنونشن
اب ہر سال اپریل میں بیرونِ ملک پاکستانیوں کا ایک بڑا کنونشن منعقد کیا جائے گا۔
