گوگل نیوز پر ہمیں فالو کریںپاکستانی اداکارہ ماہرہ خان نے حال ہی میں مشہور صحافی چاند نواب کے عید کے موقع پر رپورٹنگ کرنے کے انداز کی نقل کر کے انٹرنیٹ پر دھوم مچا دی۔
ماہرہ خان نے اپنے مداحوں کو اس وقت محظوظ کیا جب انہوں نے عید کے موقع پر چاند نواب کے مشہور انداز میں رپورٹنگ کرتے ہوئے ایک ویڈیو شیئر کی۔
سرخ شلوار قمیص میں ملبوس، وہ ایک ریلوے اسٹیشن پر کھڑی تھیں اور چاند نواب کے وائرل ویڈیو کی نقل کر رہی تھیں۔
جیسے اصل ویڈیو میں چاند نواب کو بار بار خلل کا سامنا کرنا پڑا تھا، ویسے ہی ماہرہ کی ویڈیو میں بھی ایک اجنبی کیمرے کے سامنے آ گیا، جس پر ان کا ردعمل نہایت دلچسپ تھا۔
انسٹاگرام پر ویڈیو شیئر کرتے ہوئے ماہرہ نے لکھا کہ عید آنے والی ہے اور ٹرین اسٹیشن پر شوٹ ہو رہی تھی، تو چاند نواب بننا تو بنتا تھا۔
یہ پہلا موقع نہیں جب کسی نے چاند نواب کے انداز کو کاپی کیا ہو۔ 2015 کی مشہور فلم بجرنگی بھائی جان میں نوازالدین صدیقی کے کردار کو چاند نوا ب سے متاثر ہو کر بنایا گیا تھا۔
فلم میں ان کا ریلوے اسٹیشن والا سین وائرل ہو گیا تھاجس کے بعد چاند نواب کی اصل ویڈیو ایک بار پھر شہرت کی بلندیوں پر پہنچ گئی۔
ماہرہ خان نے بالی وڈ میں اپنے کیریئر کا آغاز شاہ رخ خان کے ساتھ فلم رئیس سے کیاجو عالمی سطح پر 281.45 کروڑ کا بزنس کرنے میں کامیاب رہی۔
ان کی حالیہ فلم دی لیجنڈ آف مولا جٹ پاکستانی فلم انڈسٹری کی سب سے زیادہ کمائی کرنے والی پنجابی فلم ثابت ہوئی۔
چاند نواش کی منفرد رپورٹنگ کا انداز آج بھی لوگوں کے دلوں میں زندہ ہے اور ان کے وائرل ویڈیو کو سالوں بعد بھی لوگ یاد رکھتے ہیں۔
