گوگل نیوز پر ہمیں فالو کریںمحکمہ موسمیات پاکستان کے مطابق کراچی میں آئندہ 24 گھنٹوں کے دوران موسم گرم رہے گا، زیادہ سے زیادہ درجہ حرارت 33 سے 35 ڈگری سینٹی گریڈ کے درمیان رہنے کا امکان ہے جبکہ کم از کم درجہ حرارت 21.5 ڈگری سینٹی گریڈ ریکارڈ کیا گیا ہے۔
ہوا میں نمی کا تناسب 68 فیصد ہے جبکہ شمال مغربی سمت سے گرم اور خشک ہوائیں ہلکی رفتار سے چل رہی ہیں۔ محکمہ موسمیات نے شہر میں وقفے وقفے سے تیز ہوائیں چلنے کا بھی امکان ظاہر کیا ہے۔
موسمیاتی تجزیہ کاروں کے مطابق کراچی میں گرمی کی شدت کل سے کم ہونے کی توقع ہے۔ شہر میں وقفے وقفے سے ہوائیں چلیں گی جس سے موسم میں قدرے بہتری آئے گی۔
ماہرینِ موسمیات کا کہنا ہے کہ اختتام ہفتہ تک درجہ حرارت مزید کم ہو سکتا ہے۔ ہفتہ اور اتوار کی راتوں میں شہر کا موسم نسبتاً سرد رہنے کا امکان ہے، جہاں رات کے وقت درجہ حرارت 17 سے 18 ڈگری سینٹی گریڈ تک گر سکتا ہے۔
کراچی کے مضافاتی علاقوں میں درجہ حرارت مزید کم ہو سکتا ہے جو 14 سے 16 ڈگری سینٹی گریڈ کے درمیان رہنے کا امکان ہے۔ ماہرین کے مطابق آئندہ چند روز تک خاص طور پر رات کے وقت شہر کا موسم خوشگوار رہنے کی توقع ہے۔
