گوگل نیوز پر ہمیں فالو کریںواشنگٹن: امریکا میں کورونا وائرس نے مزید زور پکڑ لیا، ایک ہی دن میں کورونا وائرس کے 60 ہزار 500سے زیادہ نئے کیسز سامنے آنے کے بعد نیا ریکارڈ بن گیا ہے۔
امریکا میں پچھلے دو ہفتوں کے دوران 50 میں سے 41 ریاستوں میں کورونا کے کیسز میں اضافہ ہوا ہے ، امریکا میں اسکول اور کاروبار دوبارہ کھولنے کے بعد کورونا کے کیسز میں تیزی سے اضافہ دیکھنے میں آرہا ہے۔گورنرز اور مقامی رہنماؤں کے چہرے کے ماسک لگانے کے احکامات پر بھی عملدرآمد نہیں کیا جارہا۔
فلوریڈا نے تقریباً 9ہزارنئے کیسز اور 120 اموات کی تصدیق کی ہے،فلوریڈا ان چند ریاستوں میں سے ایک ہے جو اسپتال میں داخل کورونا کے مریضوں کی تعداد ظاہر نہیں کرتی ہے جبکہ اس ہفتے کے اوائل میں فلوریڈا کے چار درجن سے زیادہ اسپتالوں میں انتہائی نگہداشت کے یونٹس میں جگہ ختم ہوچکی تھی۔
ریاست کیلیفورنیا اور ٹیکساس میں کورونا سے اموات میں ریکارڈ اضافہ ہوا ہے، کیلیفورنیا میں سخت ترین لاک ڈاؤن کے باوجود کورونا کے کیسز بڑھتے جارہے ہیں۔
مزید پڑھیں:امریکا کی جانب سے پی آئی اے کی پروازوں پر پابندی عائد کردی گئی
