گوگل نیوز پر ہمیں فالو کریںواشنگٹن: امریکا کی ٹرمپ حکومت نے دو کمپنیوں کی تیار کردہ کورونا ویکسین کے استعمال کی منظوری دے دی ہے۔ صدر ڈونلڈ ٹرمپ کا کہنا ہے کہ اگلے 24 گھنٹوں کی تکمیل سے پہلے پہلے کورونا ویکسین لگانے کا عمل شروع کردیا جائے گا۔
تفصیلات کے مطابق امریکی حکومت نے فائزر اور بائیو اینڈ ٹیک نامی کمپنیوں کی تیار کردہ ویکسین کے استعمال کی منظوری دی۔ امریکی فوڈ اینڈ ڈرگ ایڈمنسٹریشن کے چیف سائنٹسٹ نے فائزر کے ایگزیکٹو آفیسر کو خط لکھ دیا ہے۔
فود اینڈ ڈرگ ایڈمنسٹریشن کے چیف سائنٹسٹ ڈینیس ہنٹن نے فائزر کو لکھے گئے اپنے خط میں کہا کہ مین فائزر اور بائیو این ٹیک کی کورونا ویکسین کے ہنگامی صورت میں استعمال کی منظوری دیتا ہوں، جس کے بعد صدر ٹرمپ نے بھی ایک ویڈیو جاری کی۔
اپنی ویڈیو میں صدر ٹرمپ نے اس اقدام پر خوشی کا اظہار کرتے ہوئے کہا کہ پہلی کورونا ویکسین 24 گھنٹوں سے پہلے پہلے لگا دی جائے گی جبکہ ہم نے ویکسین کو ملک کی ہر ریاست میں پہنچانا پہلے ہی شروع کردیا ہے۔
امریکا کورونا ویکسین کے استعمال کی منظوری دینے والا دنیا کا چھٹا ملک ہے جبکہ اس سے قبل برطانیہ، بحرین، کینیڈا، سعودی عرب اور میکسیکو کورونا ویکسین کے استعمال کی منظوری دے چکے ہیں۔
یہ بھی پڑھیں: مارچ 2021 میں کوروناویکسین پاکستان میں دستیاب ہوگی
