گوگل نیوز پر ہمیں فالو کریںلاہور: پنجاب کے دو شہروں میں ٹریفک حادثات میں 2 زندگی کی بازی ہار گئے، جبکہ 17 افراد شدید زخمی ہوگئے۔
ذرائع کے مطابق شیخوپورہ میں تیز رفتاری کے باعث دو مسافر بسیں آپس میں ٹکرا گئیں۔ خوفناک حادثہ ضلع شیخوپورہ کے علاقے مانوالہ میں پیش آیا۔
حادثے میں بس الٹ گئی جس کے نتیجے میں ایک مسافر جاں بحق اور 16 زخمی ہوگئے۔امدادی ٹیمیں بھی موقع پر پہنچ گئیں اور زخمیوں کو قریبی اسپتالوں میں منتقل کردیا۔
دوسرے حادثہ لیاقت پور کے علاقے چنی گوٹھ کے قریب پیش آیا جہاں مسافر بس نے موٹر سائیکل کو ٹکر مار دی۔ حادثے میں ایک 22 سالہ نوجوان موقع پر ہی جان کی بازی ہار گیا جبکہ دوسرا نوجوان زخمی ہوگیا۔
مزید پڑھیں:کراچی میں پولیس کا سرچ آپریشن، 51 غیر قانونی افغان باشندے گرفتار
مسافر بس صادق آباد سے فیصل آباد جا رہی تھی۔امدادی ٹیموں نے زخمیوں کو تحصیل ہیڈ کوارٹر ہسپتال منتقل کر دیا۔
