گوگل نیوز پر ہمیں فالو کریںکراچی:پولیس نے اہم کارروائی کرتے ہوئے ہیئر ڈریسرز دکانوں میں واردات کرنیوالے دو ملزمان کو حراست میں لے لیا۔ ملزمان کو لیاری کے علاقے چاکیواڑہ سے گرفتار کیا گیاہے۔
ذرائع کا کہنا ہے کہ کراچی میں ہیئر ڈریسرز کی دکانوں میں ڈکیتیاں کرنیوالے ڈکیت گروہ کے 2 کارندوں کو گرفتار کرلیا گیا، پولیس نے دونوں ملزمان کو گزشتہ روز چاکیواڑہ سے گرفتار کیا۔
پولیس کا کہنا ہے کہ ملزمان کی شناخت محمد کاشف اور محمد آصف کے ناموں سے ہوئی ہے۔ ملزمان نے تفتیش کے دوران اہم انکشافات کئے جبکہ پولیس نے گرفتار ملزمان کی وارداتوں کی متعدد فوٹیجز حاصل کرلی ہیں۔
پولیس حکام کے مطابق ملزمان ہیر ڈریسرز کی دکانوں کو زیادہ پیسوں کی لالچ میں لوٹا کرتے تھے، مشتبہ افراد نے بتایا کہ ان کے لیے نہ صرف کیش کاؤنٹرز سے پیسے چھیننا آسان تھا بلکہ سیلون میں موجود گاہکوں کو ان کے سامان سے بھی محروم کر دیتے تھے۔
مزید پڑھیں: گوجرانوالہ میں 6 افرادکا ذہنی معذور شخص پر تشدد، 1 ملزم گرفتار
