دنیا کی معمرترین جاپانی خاتون اپنی 119 ویں سالگرہ پر انتہائی خوش

ٹوکیو: دنیا کی معمر ترین جاپانی خاتونکین تاناکا نے اپنی ایک سو انیسویں سالگرہ سوفٹ ڈرنک پی کر منائی۔

بین الاقوامی نیوز ایجنسی کے مطابق گنیزبک آف ورلڈ ریکارڈ کے مطابق مردوزن دونوں میں ہی وہ بزرگ ترین زندہ شخصیت بھی ہیں۔

ان کی پڑپوتی جنکو تاناکا نے دسمبر کے آخر میں ان کی سالگرہ کی تصویر ٹویٹ کرتے ہوئے انہیں مبارک باد دی اور نیک خواہشات کا اظہار کیا۔

【大快挙】119歳到達🎉

無事に119歳を迎えることができました！
サラ・ナウスさん以来22年ぶりの119歳到達です🎊

最新のカ子さんの写真です📸
12月に親戚が会いに行った時のものです。

たくさんの方々に支えられてここまでくることが出来ました🙌
これからも楽しく明るく元気に過ごしてほしいです😊 pic.twitter.com/K38jXDTIQ3

— 田中カ子 (@tanakakane0102) January 1, 2022

مجھے امید ہے کہ آپ مسرور اور بھرپور زندگی گزارتی رہیں گی، جِنکو نے لکھا۔کین تاناکا کوکا کولا کی شیدائی ہیں اور اپنی 119 ویں سالگرہ پر جو سافٹ ڈرنگ پیش کی گئی اس پر ان کا نام اور عمر یعنی 119 سال درج تھا۔

اسے دیکھ کر بوڑھی خاتون بہت خوش ہوئیں کیونکہ اب بھی وہ اس سافٹ ڈرنک سے لطف اٹھاتی ہیں۔پیرانہ سالی کے باوجود کین کو 2020 ٹوکیو اولمپکس کی مشعل اٹھانے کی پیشکش بھی کی گئی تھی لیکن کورونا وبا کی باعث مقابلے منسوخ ہوگئے تھے۔

کین تاناکا 1903 میں پیدا ہوئی تھیں اور 19 برس کی عمر میں ان کی شادی ہوئی۔ ان کے خاندان کی چاول کی دکان تھی جس پر وہ 103 برس کی عمر تک کام کرتی رہیں۔

اپنی زندگی میں انہوں نے 1918 کا ہولناک ہسپانوی فلو دیکھا اور دو عالمی جنگوں کو قریب سے محسوس کیا۔لیکن اب بھی وہ ماضی کی باتوں کو نہیں دوہراتیں بلکہ انہیں اس عمر میں بھی مستقبل سے لگا ہے اور فارغ وقت میں وہ ریاضی کے معمے حل کرتی ہیں۔