گوگل نیوز پر ہمیں فالو کریںکابل:پاکستان سے 30 ٹن خوراک اور ادویات لے کر طیارہ افغانستان پہنچ گیا،پاکستان کے سفیر اور افغان حکام نے امدادی سامان وصول کیا۔
کابل میں پاکستانی سفیر منصور احمد خان ے بتایا تھا کہ پاکستان 3 جہازوں کے ذریعے خوراک اور ادویات افغانستان بھیج رہا ہے۔ افغان بھائیوں وبہنوں کے لیے پاکستان کی انسانی امداد آنے والے ہفتوں میں بھی جاری رہے گی۔
پاکستان سے 30 ٹن خوراک اور ادویات لے کر طیارہ افغانستان پہنچ گیا۔پاکستان کے سفیر اور افغان حکام نے امدادی سامان وصول کیا pic.twitter.com/y15ImoRo96
— افغان اردو (@AfghanUrdu) September 9, 2021
دوسری جانب ذرائع کا کہنا ہے کہ اقوام متحدہ افغانستان میں لوگوں کی امداد کے لیے 600 ملین اکٹھا کرنے پر کانفرنس بلارہا ہے۔
ترک صدر رجب طیب ایردوان کا کہنا ہے کہ افغانستان کی نئی عبوری حکومت کے بعد حالات کا باریک بینی سے جائزہ لے رہے ہیں۔ترکی افغانستان کو تنہا نہیں چھوڑے گا، تعمیرِ نو میں ترکی اہم کردار ادا کرے گا۔
واضح رہے کہ وزیرِ خارجہ شاہ محمود قریشی نے اپنے ایک بیان میں کہا کہ بھارت پاکستان کے خلاف جعلی خبریں پھیلاتا رہتا ہے جو ہمارے لیے کوئی نئی بات نہیں رہی اور پاکستان بے بنیاد پراپیگنڈے کا جواب دینا جانتا ہے۔
مزید پڑھیں:پنج شیر میں مداخلت کا الزام، سابق ایرانی صدر محمود احمدی نژاد کی پاکستان کو دھمکی
