لاہور: آئی سی سی ٹی ٹوئنٹی ورلڈکپ کے لیے قومی اسکواڈ کا اعلان کردیا گیا۔
قومی کرکٹ ٹیم کے چیف سیلیکٹر محمد وسیم نے قذافی اسٹیڈیم میں پریس کانفرنس کرتے ہوئے ٹی ٹوئنٹی ورلڈکپ کے لیے 15 رکنی اسکواڈ کا اعلان کیا۔ ٹی 20 ورلڈ کپ کے اسکواڈ میں بابر اعظم کپتان اور شاداب خان نائب کپتان ہوں گے۔
آصف علی، حیدر علی، حارث رؤف، افتخار احمد، محمد نواز، شان مسعود، خوشدل شاہ، عثمان قادر، محمد حسنین، محمد وسیم جونیئر، محمد رضوان، شاہین شاہ آفریدی، نسیم شاہ کو اسکواڈ میں شامل کیا گیا ہے۔
بلے باز فخر زمان، محمد حارث اور شاہنواز دھانی ٹریول ریزرو کی حیثیت سے سفر کریں گے جبکہ عامر جمال اور اسپنر ابرار احمد بھی انگلینڈ کے خلاف ٹی ٹوئنٹی سیریز کے لیے اسکواڈ کا حصہ ہوں گے۔
انگلینڈ کی کرکٹ ٹیم ٹی 20 سیریز کیلئے 17 سال بعد پاکستان پہنچ گئی