گوگل نیوز پر ہمیں فالو کریںفرانسیسی وزیر کھیل امیلے اُودیا کاستیرا نے فٹبال ورلڈ کپ جیتنے والی ارجنٹائن کی ٹیم کو غیر مہذب قرار دے دیا۔
بین الاقوامی میڈیا کے مطابق فرانس کی وزیر برائے کھیل امیلے اُودیا کاستیرا نے کہا کہ ارجنٹائن کے کھلاڑیوں کی جانب سے فرانسیسی کھلاڑی کیلن مباپے کا مذاق اڑانا ناشائستہ حرکت تھی۔
اُن کا مزید کہنا تھا کہ ارجنٹائن کی ٹیم نے جیت کے بعد جو حرکتیں کیں وہ اس میچ کے وقار کے مطابق نہیں تھیں جو ہم نے دیکھا تھا۔
فرانسیسی وزیر کھیل نے ارجنٹائن کے گول کیپر ایمیلیانو مارٹینز کوبیونس آئرس میں ہونے والی جیت کی پریڈ میں فرانسیسی کھلاڑی مباپے کےاسٹکر والی گڑیا تھامنے پر تنقید کا نشانہ بنایا اور کہا کہ ایمیلیانو مارٹینز کا یہ عمل شرمناک تھا۔
راشد نسیم کا ریکارڈ سال کے بہترین ریکارڈز میں شامل
قبل ازیں فتح کے بعد ڈریسنگ روم میں جشن منانے کے دوران کھلاڑیوں کو گانا ’ A Minute’s Silence for(ایک منٹ کی خاموشی)’ گاتے سناجارہا تھا کہ مارٹینز نے کہا کہ ایمباپے جو مرگیا‘۔
اس کی اصل کہانی یہ ہے کہ ورلڈ کپ سے قبل ایمباپے نے ایک بیان میں کہا تھا کہ دیگر ملکوں کی نسبت سب سے اچھی فٹبال یورپ میں کھیلی جاتی ہے، اس پر مارٹینز نے بیان دیا تھا کہ ایمباپے کو فٹبال کا کچھ پتہ نہیں ہے۔
خیال رہے کہ ارجنٹائن نے قطر میں ہونے والے فٹبال ورلڈ کپ کے فائنل میں پنلٹی ککس میں فرانس کو شکست دے کر ٹائٹل اپنے نام کیا تھا۔
