گوگل نیوز پر ہمیں فالو کریںشیخوپورہ: شیخوپورہ کی آبادی بھکھی میں مبینہ طور پر غیرت کے نام پر باپ نے جواں سال بیٹی کو قتل کر دیا۔
پولیس کا کہنا ہے کہ مقتولہ 18 سالہ سدرہ کی والدہ نے پولیس کو کارروائی کے لیے درخواست دی جس میں کہا گیا کہ ڈیڑھ ماہ قبل سدرہ گھر سے چلی گئی تھی۔
ماں کا اس حوالے سے بیان سامنے آیا ہے کہ باپ یوسف شادی کرانے کے بہانے لڑکی کو گھر لے آیا اور گلا دبا کر قتل کر دیا۔ پولیس کے مطابق ملزم موقع سے فرار ہے جس کی گرفتاری کے لیے چھاپے مارے جارہے ہیں۔
دوسری جانب سوات کی دو خواتین اور بچی کی پوسٹ مارٹم رپورٹ میں قتل کی تصدیق ہوگئی۔پولیس کے مطابق تینوں کو تیز دھار آلے سے قتل کیا گیا جس کی تصدیق پوسٹ مارٹم رپورٹ سے ہوئی۔
پولیس کے مطابق مرنے والوں میں ساس، بہو اور پوتی شامل ہے جب کہ گھر کے مرد مزدوری کی غرض سے پنجاب میں ہیں۔
مزید پڑھیں: دعا منگی کیس، مرکزی ملزم زوہیب قریشی کے سر کی قیمت مقرر کرنے کا فیصلہ
