امریکی کانگریس کے وفد کی غیراعلانیہ دورے پر تائیوان آمد

تائیوان: امریکی کانگریس کا وفد غیر اعلانیہ دورے پر تائیوان پہنچ گیا، واضح رہے کہ اس سے قبل امریکی ایوان نمائندگان کی اسپیکرنینسی پلوسی بھی تائیوان پہنچی تھیں۔

تائیوانی وزارت خارجہ کا اس حوالے سے کہنا ہے کہ امریکی کانگریس کا 5 رکنی وفد آج 2 روزہ دورے پرتائیوان پہنچا ہے۔

امریکی وفداور تائیوانی حکام دوطرفہ تجارت اور سرمایہ کاری پر بھی تبادلہ خیال کریں گے۔

امریکی حکام کے مطابق تائیوانی حکام سے ملاقات میں امریکا تائیوان تعلقات اور علاقائی سلامتی پربات ہوگی۔

واضح رہے کہ چین تائیوان کو اپنا حصہ تصور کرتا ہے جب کہ تائیوان خود کو ایک علیحدہ ریاست مانتا ہے اور اس معاملے پر دونوں ممالک کے درمیان طویل عرصے سے تنازع چل رہا ہے، جو تاحال حل نہیں ہو پایا ہے۔

خیال رہے کہ امریکی ایوان نمائندگان کی اسپیکرنینسی پلوسی نے 2 اگست کو تائیوان کادورہ کیاتھا جس پر چین نے شدیدمذمت کی تھی اور تائیوان کے اطراف فوجی مشقیں شروع کردی تھیں۔