گوگل نیوز پر ہمیں فالو کریںنگران وزیر اعظم انوار الحق کاکڑ کی جانب سے دہشت گردی کے واقعات میں افغان عناصر کے ملوث ہونے کے بیان پر افغانستان کی طالبان حکومت نے سخت ردعمل دیا ہے۔
طالبان ترجمان ذبیح اللہ مجاہد کی جانب سے جاری کردہ بیان میں کہا گیا ہے کہ امارت اسلامیہ جس طرح اپنے ملک افغانستان میں امن چاہتی ہے، اسی طرح پاکستان میں بھی امن کی خواہاں ہے۔
انہوں نے کہا کہ امارت اسلامیہ کسی کو اجازت نہیں دیتی کہ افغانستان کی سرزمین پاکستان کے خلاف استعمال کرے، البتہ پاکستان کے اندر قیام امن امارت اسلامیہ کی ذمہ داری نہیں۔ انہیں چاہئے کہ وہ اپنے اندرونی مسائل خود حل کریں اور اپنی ناکامی کا ذمہ دار افغانستان کو قرار نہ دیں۔
غیر قانونی مقیم افغانیوں کے بعد کیا اب رجسٹرڈ مہاجرین کی باری آگئی؟
ان کا کہنا ہے کہ افغانستان میں امارت اسلامیہ کی فتح کے بعد مبینہ طور پر پاکستان میں بدامنی کے واقعات میں اضافہ اس بات کی دلیل نہیں کہ اس کے پیچھے افغانستان کارفرما ہے۔
ان کے مطابق افغانستان میں اسلحہ محفوظ ہے، کسی غیر ذمہ دار فریق کے ہاتھ نہیں لگا۔ اسلحہ کی اسمگلنگ ممنوع ہے اور ہر طرح کے غیر قانونی اقدامات کی روک تھام کی گئی ہے۔
ازبکستان میں ای سی او سربراہی اجلاس میں شرکت، وزیر اعظم آج روانہ ہونگے
ذبیح اللہ مجاہد کا کہنا ہے ک ہافغانستان ایک برادر اور پڑوسی کی طرح پاکستان سے اچھے تعلقات کا خواہاں ہے، تاہم پاکستان کو بھی امارت اسلامیہ کے حسن نیت کا ادراک کرنا چاہیے۔ اسے امارت اسلامیہ کے اس عزم پر کہ “ہم کسی بھی ملک کے اندرونی معاملات میں مداخلت یا کسی کے خلاف اقدامات نہیں کرنا چاہتے” پر کسی شک و شبہے کا شکار نہیں ہونا چاہیے۔
