گوگل نیوز پر ہمیں فالو کریںامریکا میں مسلمان خواتین کے اسکارف زبردستی اتارنے کی ویڈیو سوشل میڈیا پر وائرل ہوگئی ہے جبکہ یہ افسوسناک واقعہ امریکی ریاست ایریزونا میں پیش آیا۔
عالمی خبر رساں ادارے کا کہنا ہے کہ حال ہی میں ایریزونا اسٹیٹ یونیورسٹی کیمپس میں طلبہ نے مقبوضہ فلسطین میں اسرائیل کے وحشیانہ حملوں کے خلاف فلسطینیوں سے اظہارِ یکجہتی کیلئے ریلی نکالی اور احتجاج کیا۔
ریلی اور احتجاج کے دوران پولیس نے مظاہرین کے خلاف آپریشن شروع کردیا، خبر رساں ادارے کا کہنا ہے کہ پولیس نے احتجاج کرنے والے 70 طلبہ کو گرفتار کیا جن میں سے 4 خواتین کے اسکارف اتارنے کی ویڈیو سوشل میڈیا پر سامنے آئی۔
Sebuah video yg menunjukkan polisi melepas hijab seorang wanita di Arizona State University (ASU) setelah menangkapnya. Empat wanita dilaporkan mengalami praktik yang sama, menurut ABC15 Arizona.#EndIsraelsGenocide#FreePalestine 🇵🇸 pic.twitter.com/bD9th7Fuzi
— 𝓚𝓸𝓫𝓸𝔂 ₚₑₙₛᵢᵤₙ 🇵🇸 (@ilbanditomilano) April 30, 2024
سوشل میڈیا پر وائرل ہونے والی ویڈیو میں مسلح افراد خواتین کے اسکارف اتارتے نظر آتے ہیں۔ سوشل میڈیا صارفین اور امریکا کے مسلمان شہریوں نے خواتین کا اسکارف اتارنے کے عمل کی مذمت کرتے ہوئے اسے انسانی حقوق کی سنگین خلاف ورزی قرار دیا۔
نجی ٹی وی (جیو نیوز) کی رپورٹ کے مطابق مسلم رہنماؤں کا کہنا ہے کہ ایریزونا اسٹیٹ یونیورسٹی کا پولیس ڈپارٹمنٹ خواتین کے اسکارف اتارنے کے واقعے میں ملوث ہے تاہم اس حوالے سے امریکی حکومت کا مؤقف سامنے نہیں آیا۔
