تحریک منہاج القرآن کے بانی و سرپرست شیخ الاسلام ڈاکٹر محمد طاہر القادری نے ربیع الاول کے آغاز پر اپنے بیان میں کہا ہے کہ ربیع الاول حضور نبی اکرم صلی اللہ علیہ وآلہ وسلم کی مبارک ولادت کا مہینہ ہے۔

ربیع الاول کی مناسبت سے جاری کردہ اپنے خصوصی پیغام میں شیخ الاسلام طاہر القادری نے کہا کہ نبی کریم صلی اللہ علیہ و آلہ و سلم کی مبارک ولادت کے صدقے انسانیت کو جہالت اور دائمی غلامی سے نجات ملی۔ انسانیت کو شعور اور عدل و انصاف اور حقوق و فرائض کے پیمانے ملے۔

یہ بھی پڑھیں:

انہوں نے کہا آپ ﷺ کی سیرت طیبہ کا ہر گوشہ قیامت تک کے مسلمانوں کے لئے ذریعہ ہدایت و رہنمائی ہے۔

نوجوان اپنی دیگر تعلیمی مصروفیات کے ساتھ ساتھ سیرت طیبہ کے مطالعہ کو بھی اپنے معمولات کا حصہ بنائیں۔ انہوں نے کہا کہ آپ ﷺ کی تعلیمات پر عمل کرکے دنیا دائمی امن کی نعمت سے ہمکنار ہوسکتی ہے۔

انہوں نے اپنے مبارکبادی پیغام میں کہا کہ اللہ رب العزت سے دعا ہے کہ وہ ہمیں آپ ﷺ کی حیات طیبہ کے مطابق زندگی گزارنے کی توفیق دے۔