حریم شاہ اور شیخ رشید کی کال وائرل، تابش ہاشمی نے بھانڈا پھوڑ دیا

ٹی بی ایچ شو کے میزبان اور مشہورومعروف کامیڈین تابش ہاشمی نے حریم شاہ اور شیخ رشید کی وائرل کال کے دوران کی گئی گفتگو پر اپنے منفرد انداز میں روشنی ڈالتے ہوئے تمام تر بات چیت کا بھانڈا پھوڑ دیا ہے۔

حال ہی میں تابش ہاشمی ایک شو میں شریک ہوئے اور وفاقی وزیر داخلہ کی وائرل کال پر گفتگو کرتے ہوئے کہا کہ کال میرے شو کے دوران ہوئی جب حریم شاہ کو ہم نے ایک مہمان کے طور پر بلایا تھا۔ شو میں حریم شاہ نے اچانک شیخ رشید کو کال کردی۔

یہ بھی پڑھیں:

تصویری تجزیہ، اریبہ حبیب کی شادی میں شوبز ستاروں کی شرکت

ہم کہاں کے سچے تھے کی آخری قسط، مداحوں نے تعریفوں کے پل باندھ دئیے

وائرل کال کے متعلق گفتگو کرتے ہوئے تابش ہاشمی نے کہا کہ شیخ رشید نے فون پر بات چیت کے دوران معروف ٹک ٹاکر حریم شاہ کو ڈانٹ دیا، یہ کلپ دیکھتے ہی دیکھتے سوشل میڈیا پر وائرل ہوا اور کافی وقت تک شہ سرخیوں کا حصہ بھی بنا۔

معروف کامیڈین تابش ہاشمی نے کہا کہ شو کے دوران میں نے صرف شیخ رشید کا نام لیا اور پوچھا کہ کیا آپ انہیں کال کرسکتی ہیں؟ ابھی میں بات کر ہی رہا تھا کہ اگر آپ شیخ رشید کو کال کریں، میری بات پوری نہیں ہوئی۔انہوں نے کہا ابھی کرلیتی ہوں۔

تابش ہاشمی نے کہا کہ مجھے کہنا تھا کہ اگر آپ فون کریں اور آگے سے شیخ رشید یہ کہیں لیکن حریم شاہ نے فون کر لیا، اب آپ بتائیں کہ بندہ ٹی آر پی کیلئے کیا کرے؟میں بھی ٹی آر پی کیلئے خاموش رہا۔ پھر ان کا شیخ رشید سے رابطہ بھی ہوگیا۔ 

واضح رہے کہ معروف کامیڈین نے ایک اسٹینڈ اپ آرٹسٹ کے طور پر شوبز انڈسٹری میں قدم رکھا اور سوشل میڈیا سے ایک مزاحیہ میزبان کے طور پر سامنے آئے۔ناشپاتی پرائم پر اظفر علی کا شو کرنے سے تابش ہاشمی کی شہرت کو چار چاند لگ گئے۔