گوگل نیوز پر ہمیں فالو کریںکراچی:پاکستان اسٹاک ایکس چینج میں مسلسل چوتھے روزبھی کاروبار حصص مندی کی زد میں رہااورکے ایس ای100انڈیکس مزید427 پوائنٹس گھٹ گیا اس طرح دوروز کے دوران انڈیکس927پوائنٹس تک گھٹ گیا۔
جمعرات کو مندی کی وجہ سے 44300،44200،44100،44000 اور 39900پوائنٹس کی 5نفسیاتی حدیں گر گئیں۔
آئی ایم ایف کی جانب سے اسٹیٹ بینک سے مستقل طور پر قرض لینے کی حکومت کی تجویز کو مسترد کرنے اوربڑھتی ہوئی غیر یقینی اور پیٹرولیم سیکٹر کی جانب سے ہونے والی ہڑتال نے مارکیٹ پر منفی اثرات مرتب کئے ہوئے ہیں۔
شرح سود میں اضافے کے اثرات سے بھی سرمایہ کار ابھی تک باہر نہیں نکل پائے ہیں اور نئی سرمایہ کاری سے گریز کرتے دکھائی دیتے ہیں۔
سرمایہ کاروں کی دلچسپی کم ہونے کا اندازہ اس بات سے لگایا جاسکتا ہے کہ گزشتہ روز کی نسبت کاروباری حجم ساڑھے11کروڑ شیئرز کم رہا۔
جمعرات کو اسٹاک مارکیٹ میں کاروبار کا آغاز مثبت زون میں ہوا اورایک موقع پر 100انڈیکس 150پوانٹس کی تیزی سے44513پوائنتس تک بھی پہنچا۔
بعد ازاں سرمایہ کاروں نے منافع کے حصول کی خاطر شیئرز کی فروخت کے سبب مارکیٹ مندی کا شکار ہوگئی اورکاروباری مندی کا سلسلہ مارکیٹ کے اختتام تک جاری رہا۔
جمعرات کو ہونے والی کاروباری مندی کے سبب مارکیٹ میں سرمایہ کاروں کو53ارب روپے سے زائد کا نقصان اٹھانا پڑا۔
پاکستان اسٹاک مارکیٹ جمعرات کو کاروبارکی ابتدامثبت انداز سے ہونے کے باوجود مارکیٹ زیادہ تر وقت مندی کی لپیٹ میں رہی۔
کے ایس ای100انڈیکس میں 427.95پوائنٹس کی کمی سے 43935.75پوائنٹس ہو گیا۔کے ایس ای30انڈیکس 184.74پوائنٹس کی کمی سے 16939.28پوائنٹس پر آگیا۔
مزید پڑھیں: پائما کا بین الاقوامی تجارتی وصنعتی نمائش کا دورہ
