گوگل نیوز پر ہمیں فالو کریںبھارتی شہر لکھنؤ میں کھیلے جارہے ورلڈ کپ کے میچ میں سری لنکا نے ٹاس جیت کر پہلے بیٹنگ کا فیصلہ کر لیا ہے۔
تفصیلات کے مطابق سری لنکا اور آسٹریلیا دونوں نے ہی ورلڈ کپ میں دو دو میچز کھیل کر دونوں میں شکست کھائی اور پوائنٹس ٹیبل پر ان کی پوزیشن بہتر ہونے کی کوئی امید نظر نہیں آتی، تاہم آج ہونے والا میچ دونوں ٹیموں کیلئے اہم ہے۔
سری لنکا کو پہلے میچ میں جنوبی افریقہ نے 102رنز سے ہرایا جبکہ دوسرے میچ میں پاکستان نے 345رنز کا ریکارڈ ہدف عبور کرکے کرکٹ کے شائقین کو حیران کردیا۔ سری لنکا 6 وکٹوں سے پاکستان سے ہار گیا۔
دوسری جانب آسٹریلیا کو میزبان ٹیم بھارت 6 وکٹوں سے شکست دے چکی ہے جبکہ جنوبی افریقہ نے بھی کینگروز کو 134 رنز کے طویل فرق سے ہرایا۔ یوں پوائنٹس ٹیبل پر سری لنکا کی آٹھویں جبکہ آسٹریلیا کی دسویں پوزیشن ہے۔
خیال رہے کہ اس سے قبل ورلڈ کپ 2023 میں بڑا اپ سیٹ ہوگیا، افغانستان نے انگلینڈ کو 69رنز سے شکست دے کر کرکٹ کے تجزیہ نگاروں کو بھی حیران کردیا۔
انگلینڈ کی بیٹنگ گزشتہ روز افغانستان کے خلاف لائن بری طرح ناکام ہوئی، 285 رنز کے ہدف کے تعاقب میں پوری ٹیم 215بنا کر پویلین لوٹ گئی، ہیری بروک 66 رنز کے ساتھ نمایاں رہے۔
