گوگل نیوز پر ہمیں فالو کریںامریکی خلائی تحقیقاتی ایجنسی (ناسا) کے بین الاقوامی خلائی اسٹیشن نے خلاء سے زمین پر موجود سمندر کے حیرت انگیز نظاروں کی تصاویر جاری کی ہیں جو سوشل میڈیا پر وائرل ہو گئیں۔
سماجی رابطے کی ویب سائٹ ٹوئٹر پر اپنے پیغام میں عالمی خلائی اسٹیشن نے بتایا کہ جب چاند کی روشنی زمین کے مختلف حصوں پر پڑتی ہے تو اس سے مختلف عجیب و غریب نظارے دکھائی دیتے ہیں جن میں بحرِ احمر اور خلیج فارس کے ساحل کے نظارے حیرت انگیز ہوتے ہیں۔
پیغام کے ساتھ ساتھ عالمی خلائی اسٹیشن نے بخلاء سے لی گئی حرِ ہند اور خلیج فارس کی تصاویر بھی شیئر کیں جن میں زمین سیاہ رنگ کی نظر آرہی ہے جس پر چاند کی روشنی حیرت انگیز تاثر پیدا کرتی ہے۔
عالمی خلائی اسٹیشن کی شیئر کی گئی اِس تصویر میں سرخ سمندر یعنی بحرِ ہند سیاہ رنگ کا دکھائی دے رہا ہے جس پر چاند کی روشنی سے انوکھا نظارہ تخلیق ہوا۔
اس تصویر میں دیکھا جاسکتا ہے کہ خلائی اسٹیشن زمین سے 408 کلومیٹر اونچائی پر موجود ہے جہاں سے زمین پر موجود سمندر کا گہرا نیلا نظارہ قابلِ تحسین ہے۔
تیسری تصویر میں سمندر کے ساتھ ساتھ فضا میں تیرنے والے سفید رنگ کے بادلوں کا بھی نظارہ کیاجاسکتا ہے جن کے نیچے خلیج فارس اور روشنیوں کے امتزاج سے رنگ برنگا نظارہ جنم لے رہا ہے۔
The moonlit hues of Earth's terrain and seas glow dimly as city lights glitter on the Red Sea and Persian Gulf coasts. @NASA_Earth | https://t.co/qcHlvByj8M pic.twitter.com/z89IsOXBgc
— International Space Station (@Space_Station) May 8, 2020
