گوگل نیوز پر ہمیں فالو کریںورلڈ کپ کا دوسرا سیمی فائنل میچ آج کھیلا جارہا ہے جس میں جنوبی افریقہ نے ٹاس جیت کر آسٹریلیا کے خلاف پہلے بیٹنگ کا فیصلہ کر لیا۔
تفصیلات کے مطابق آئی سی سی ورلڈ کپ کے پہلے سیمی فائنل میچ میں بھارت نے نیوزی لینڈ کو شکست دے کر ورلڈ کپ کے فائنل تک رسائی حاصل کی تھی۔ آج ہونے والے میچ میں جنوبی افریقہ نے ٹاس جیت کر پہلے بیٹنگ کا آغاز کرنے کا فیصلہ کیا ہے۔
بھارتی شہر کلکتہ کے ایڈن گارڈن میں کھیلے جارہے دوسرے سیمی فائنل میچ میں جنوبی افریقہ کے کپتان ٹیمبا باووما نے ٹاس جیتنے کے موقعے پر گفتگو کرتے ہوئے کہا کہ میں 100 فیصد فٹ تو نہیں تاہم میچ کھیلنے کے قابل ہوں۔
بابر اعظم کا تینوں فارمیٹس کی کرکٹ کپتانی سے دستبرداری کا اعلان
واضح رہے کہ دوسرے سیمی فائنل کیلئے جنوبی افریقا کی ٹیم میں ایک جبکہ آسٹریلیا کی ٹیم میں دو تبدیلیا ں کی گئی ہیں۔ آن لائن ون پریڈکٹر کے مطابق آسٹریلیا کے میچ جیتنے کے امکانات 57فیصد جبکہ جنوبی افریقہ کے 43فیصد ہیں۔
جنوبی افریقہ کی ٹیم میں کوئنٹن ڈی کوک، کپتان ٹیمبا باووما، ریسی وینڈر ڈوسن، ایڈن مارکرم، ہینرچ کلاسن، ڈیوڈ ملر، مارکو جینسن، کیشو مہاراج، گیراڈ کوئٹزی، کاگیسو ربادا اور تبریز شمسی شامل ہیں۔
دوسری جانب آسٹریلین ٹیم میں ٹریوس ہیڈ، ڈیوڈ وارنر، مچل مارش، اسٹیو اسمتھ، مارنس، گلین میکس ویل، جوش انگلس، کپتان پیٹ کمنز، مچل اسٹارک، ایڈم زیمپا اور جوش ہیزلووڈ شامل ہیں۔
