سندھ حکومت نے اوگرا کا گیس 245 فیصد مہنگی کرنے کا فیصلہ مسترد کردیا

کراچی :سندھ حکومت نے اوگرا کا 245 فیصد گیس مہنگی کرنے کا فیصلہ مسترد کردیا ہے۔سندھ کے وزیر ٹرانسپورٹ اویس شاہ نے اپنے جاری بیان میں کہا ہے کہ وفاق سندھ میں گیس مہنگی کرنے کا فیصلہ واپس لے۔

سب سے زیادہ گیس کی پیداوار صوبہ سندھ کی ہے،پھر سندھ کے عوام کو گیس مہنگی کیوں دی جارہی ہے؟ملک میں گیس مہنگی ہونے سے سندھ میں کرائے اور مہنگائی بڑھ جائے گی.اویس شاہ نے کہا کہ پنجاب کو ہر معاملے پر سبسڈی دی جارہی ہے اور سندھ کو ہر ماہ مہنگائی کاتحفہ دیاجاتاہے۔

مزید پڑھیں:پبلک سیفٹی کمیشن کا قیام شہریوں کے لیے خوش آئند ہے، مرتضیٰ وہاب

گیس میں اضافہ عوام کے ساتھ ظلم ہے,50 یونٹ تک گیس استعمال کرنیکی قیمت 121 میں سے 380 روپے کردی گئی,وفاق کو سی این جی سیکٹر کے لیے گیس کی قیمت میں 31 فیصد اضافہ نہیں کرنیدیں گے,وفاقی حکومت نے گیس کی نرخوں میں اضافہ کیا تو ٹرانسپورٹرز اور عوام سڑکوں پر ہونگے۔

سب سے زیادہ سندھ گیس پیداکرتا ہے،پھر بھی سندھ میں گیس کی لوڈشیڈنگ کی جارہی ہے.انہوں نے کہا کہ وفاق سندھ کونظراندازکررہا ہے,کوئی مشورہ نہیں کیا جارہا،یہی رویہ رہا تو پھر نتائج بہت خراب نکلیں گے۔وزیراعظم عوام پر رحم کریں،وزیراعظم اپنی نالائقی کا حساب سندھ کے عوام سے نہ لیں۔