گوگل نیوز پر ہمیں فالو کریںپاکستان کی مشہورومعروف شخصیات اور شوبز کے ستاروں نے اسرائیلی فورسز کی مظلوم فلسطینیوں پر جارحیت اور مسجدِ اقصیٰ پر حملے کی شدید مذمت کی ہے۔
سماجی رابطے کی ویب سائٹ ٹوئٹر پر اپنے پیغام میں معروف گلوکار عاصم اظہر نے کہا کہ اسرائیل کسی عبادت گاہ میں موجود شہریوں اور عبادت گزاروں پر کیسے حملہ کرسکتا ہے؟
عاصم اظہر نے کہا کہ فلسطین میں اسرائیل کے ظلم و ستم پر ایک بار پھر عالمی برادری خاموش رہے گی۔ مجھے ذاتی طور پر اسرائیل کے فلسطینی عوام پر حملے کا بے حد افسوس ہوا ہے۔
I am sickened & disgusted. How can you attack a place of a worship & attack defenceless worshippers? And yet again, the world will stay silent on Israel’s continuous oppression on Palestine. Ya Allah reham! #IsraeliAttackonAlAqsa #PalestiniansLivesMatter
— Asim Azhar (@AsimAzharr) May 8, 2021
قومی کرکٹ ٹیم کے سابق کپتان شاہد آفریدی نے اسرائیلی اقدام کی مذمت کرتے ہوئے کہا کہ ادھر مسجدِ اقصیٰ کی دیواریں اور فرش فلسطینیوں کے خون سے اور ادھر میری آنکھیں بے بسی کے آنسوؤں سے سرخ ہیں۔
کرکٹر شاہد آفریدی نے کہا کہ عالمی ضمیر بے حسی کی چادر میں لپٹا سو رہا ہے۔ شاید مسلمانوں کا لہو اس قدر بے توقیر ہے کہ اس پر نہ کوئی آواز اٹھے گی اور نہ کوئی مہم چلے گی۔ ہم قبلۂ اول کی تقدیس کا قرض اتارنے سے قاصر ہیں۔
ادھر مسجد اقصی کی دیواریں فرش، فلسطینی خون سے اور ادھر، میری آنکھیں بے بسی کے آنسوؤں سے سرخ ہیں۔ عالمی ضمیر بے حسی کی چادر میں لپٹا سو رہا ہے۔ شائد مسلمانوں کا لہو اس قدر بےتوقیر ہے کہ اس پہ نہ کوئی آواز اٹھے گی اور نہ مہم چلے گی. قبلہ اول، ہم تیری تقدیس کا قرض اتارنے سے قاصر ہیں
— Shahid Afridi (@SAfridiOfficial) May 8, 2021
معروف گلوکار فرحان سعید نے کہا کہ فلسطینیوں پر ظلم و ستم پر کانوں سے محروم عالمی برادری کی خاموشی مجرمانہ ہے۔ عالمی برادری خاموشی سے یہ ظلم و ستم کس طرح دیکھ سکتی ہے جبکہ یہ دہشت گردی ہے۔
The world's deafening silence is criminal! How can the international community sit back and watch this happen?
This IS terrorism!!https://t.co/N8EQQn2nN3#AlAqsa#AlAqsaMosque #AlAqsaUnderAttack
— Farhan Saeed (@farhan_saeed) May 8, 2021
یاد رہے کہ اِس سے قبل یروشلم میں اسرائیلی پولیس نے مسلمانوں کے قبلۂ اوّل مسجدِ اقصیٰ پر حملہ کردیا جس کے دوران درجنوں مظلوم فلسطینی زخمی ہو گئے۔
آج سے 2 روز قبل اسرائیلی پولیس نے مسجدِ اقصیٰ پر حملہ کیا اور فلسطینی نوجوانوں پر ربر کی گولیاں اور گرینیڈ پھینکے جس سے فلسطین میں جاری خانہ جنگی اور کشیدگی میں اضافہ ہوگیا۔
مزید پڑھیں: اسرائیلی پولیس کا مسجدِ اقصیٰ پر حملہ، درجنوں مظلوم فلسطینی زخمی
