ارشد شریف کے بعد سمیع ابراہیم اور عمران ریاض کی باری ہے۔شیخ رشید

راولپنڈی: سابق وزیرِ داخلہ شیخ رشید احمد نے کہا ہے کہ ارشد شریف کے بعد سمیع ابراہیم اور عمران ریاض کی باری ہے جبکہ  عوام شدید سیاسی طوفان کی زد میں ہے۔

سماجی رابطے کی ویب سائٹ ٹوئٹر پر اپنے پیغام میں سابق وزیرِ داخلہ شیخ رشید احمد نے کہا کہ آصف زرداری نے امریکا میں داکٹر سے ذہنی توازن ٹھیک نہیں کا سرٹیفکیٹ لیا، نواز شریف نے پلیٹ لیٹس کا سرٹیفکیٹ لندن سے لیا۔ میٹرک فیل قادر پٹیل کے ہاتھ 15 دن بعد عمران خان کے پیشاب کی رپورٹ لگ گئی۔

یہ بھی پڑھیں:

 علی زیدی نے بھی تحریکِ انصاف چھوڑنے کا اعلان کردیا

ٹوئٹر پیغام میں شیخ رشید نے کہا کہ قادر پٹیل کو پیشاب رپورٹ میں پتہ چلا کہ جو سارے جہان سے لڑ رہا ہے، وہ دماغی طور پر مضبوط نہیں۔ جو سیاسی کچرا پارٹی چھوڑ رہا ہے، وہ کوڑے کے کس ڈرم میں ڈالا جائے گا، اس کا فیصلہ جون میں ہوجائے گا۔ 2 کچرے کے ڈرم کی پارٹیاں بنائی جائیں گی۔

آصف زرداری نےامریکہ میں ڈاکٹر سے ذہنی دماغی توازن ٹھیک نہیں کاسرٹیفکیٹ لیانوازشریف نےپلیٹ لیٹس کاسرٹیفکیٹ لندن سےلیا میٹرک فیل قادر پٹیل کے ہاتھ15دن بعد عمران خان کے پیشاب کی رپورٹ لگ گئی قادر پٹیل کو پیشاب رپورٹ میں پتا چلا کہ جوسارے جہان سے لڑرہاہےوہ دماغی طور پےمضبوط نہیں

— Sheikh Rashid Ahmed (@ShkhRasheed) May 27, 2023

پیغام میں سابق وزیرِ داخلہ نے کہا کہ جب ضرورت پڑی تو دوسری ڈرم پارٹی کو پہلے ڈرم میں ڈمپ کردیا جائے گا۔ کم و بیش 100 وزیر اور مشیر اتنے مقبول ہیں کہ جس چینل پر آتے ہیں، اس کی ریٹنگ صفر ہوجاتی ہے۔ چینی وزیرِ خارجہ نے پاکستان آ کر سمجھایا اور سعودی عرب والوں نے وہاں سے پیغام بھجوایا۔

سابق وفاقی وزیر شیخ رشید احمد نے کہا کہ دونوں ممالک کے سمجھانے کے باوجود میں نہ مانوں کی رٹ لگا رکھی ہے۔ نہ سندھ میں سیلاب متاثرین کو پیسے بانٹے نہ پنجاب میں 18 لاکھ کے تھیلے غریب کو دئیے، ارشد شریف کے بعد سمیع ابراہیم اور عمران ریاض کی باری ہے۔ یہ جمہوریت جس کی نمو صفر ہے۔