پی ٹی آئی چھوڑنے والے پہلے بھی کئی بار پارٹیاں بدل چکے ہیں۔شیخ رشید

راولپنڈی: سابق وزیرِ داخلہ شیخ رشید احمد نے کہا ہے کہ پی ٹی آئی چھوڑنے والے پہلے بھی کئی پارٹیاں بدل چکے ہیں، ادارے ملک میں افواہوں کا سدِ باب کریں۔

سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ میری درخواست ہے کہ ادارے ملک میں پھیلنے والی افواہوں کا سدِ باب کریں۔ ہر افواہ کے پیچھے کوئی سازش چھپی ہوتی ہے۔ مسلمان نماز میں شہادت کی دعا مانگتا ہے جو خوش نصیب کا مقدر بنتی ہے۔

یہ بھی پڑھیں:

خواتین سے بدسلوکی کا پروپیگنڈا کیا جارہا ہے، نگراں حکومت 

جتنےلوگوں نےپارٹی چھوڑی وہ نظریہ ضرروت کےتحت کئی بارپارٹیاں بدل چکےنوازشریف خودتحریک استقلال اصغرخان رابطہ کمیٹی کےممبرتھےدست شفقت ملنےپرگیٹ نمبر4 سےایکسائیزمنسٹر ی ملی شہبازشریف کےبارےمیں اعجازالحق کاتبصرہ ہی کافی ہےبمپرکراپس کہنے والے گندم خریداری کی30لاکھ ٹن شارٹ فال بتارہےہیں

— Sheikh Rashid Ahmed (@ShkhRasheed) May 29, 2023

ٹوئٹر پیغام میں شیخ رشید نے کہا کہ پارٹیاں چھڑوانے والے ان کو اس قابل چھوڑیں کہ آنے والے دنوں میں عوام کو منہ دکھانے کے قابل رہیں۔ جتنے لوگوں نے پارٹی چھوڑی، وہ نظریہ ضرورت کے تحت کئی بار پارٹیاں بدل چکے ہیں۔ نواز شریف خود تحریکِ استقلال اصغر خان رابطہ کمیٹی کے ممبر تھے۔

پیغام میں سابق وزیرِ داخلہ نے کہا کہ شہباز شریف کے بارے میں اعجاز الحق کا تبصرہ ہی کافی ہے۔ بمپر کراپس کہنے والے گندم خریداری کی 30 لاکھ ٹن شارٹ فال بتا رہے ہیں۔ آئی ایم ایف کے بغیر مصنوعی بجٹ تیار کیا جارہا ہے۔ ملک سرحدوں سے نہیں، اندر سے ٹوٹتے ہیں۔

آئی ایم ایف کے بغیر مصنوعی بجٹ تیار کیا جا رہا ہے ملک سرحدوں سے نہیں ٹوٹتے اندر سے ٹوٹتے ہیں پاکستان میں چادر اور چار دیواری کی بے حرمتی سے لوگوں کے دل ٹوٹ چکے ہیں جہنیں جوڑنے کی کوشیش کرنی چاہیے جب قوم حوصلہ ہار جاتی ہے تو ملک سیاسی معاشی اور اقتصادی طور پر بیٹھ جاتے ہیں

— Sheikh Rashid Ahmed (@ShkhRasheed) May 29, 2023

عوامی لیگ کے سربراہ نے کہا کہ پاکستان میں چادر اور چار دیواری کی بے حرمتی سے لوگوں کے دل ٹوٹ چکے ہیں جنہیں جوڑنے کی کوشش کرنی چاہئے۔ جب قوم حوصلہ ہار جاتی ہے تو ملک سیاسی، معاشی اور اقتصادی طور پر بیٹھ جاتے ہیں۔