گوگل نیوز پر ہمیں فالو کریںراولپنڈی: سابق وفاقی وزیرِ داخلہ شیخ رشید احمد نے کہا ہے کہ آج جمہوری تاریخ کا اہم ترین دن ہے جب ملک کو معاشی اور اقتصادی استحکام ملے گا۔
سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ آج پاکستان کی جمہوری تاریخ کا اہم ترین دن ہے۔ معاشی، سیاسی، سماجی اور اقتصادی استحکام ملے گا۔
جوڈیشل کمپلیکس اسلام آباد میں توڑ پھوڑ کا مقدمہ درج
ٹوئٹر پیغام میں سابق وزیرِ داخلہ شیخ رشید احمد نے کہا کہ اگر ایسا نہ ہوا تو ملک سیاسی انتشار اور خلفشار میں چلا جائے گا جبکہ سیاسی عدم استحکام کی وجہ سے آئی ایم ایف نے 1998ء جیسی 4مزید شرائط کا مطالبہ کردیا ہے۔
پیغام میں سربراہ عوامی لیگ شیخ رشید احمد نے کہا کہ موڈیز نے پاکستان کی اقتصادی ریٹنگ کم کردی اور ڈیفالٹ کے خطرے کی گھنٹی بھی بجا دی ہے۔ سیلز ٹیکس بھی 17 سے 18 فیصد کردیا گیا ہے۔
ایل پی جی بجلی مہنگی اورپیٹرول نایاب ہونےجارہاہےپاکستان غریب کےلیےبڑی جیل اورڈیتھ زون بنتا جا رہا ہےکوئی سمندرکوئی سڑک پراورکوئی گھرپربھوک کامارامررہاہے10مہینے میں حکومت کی کوئی کاکردگی سوائےاپنےکیس ختم کرانے کےنہیں ججوں کوتقسیم کرنےکی1998کی سازش ہورہی ہےملک98کےحالات میں جارہاہے
— Sheikh Rashid Ahmed (@ShkhRasheed) March 1, 2023
سابق وزیر داخلہ شیخ رشید نے کہا کہ ایل پی جی اور بجلی مہنگی جبکہ پیٹرول نایاب ہونے والا ہے۔ پاکستان غریب کیلئے بڑی جیل اور ڈیتھ زون بنتا جارہا ہے۔ کوئی سمندر، کوئی سڑک پر اور کوئی گھر پر بھوک کے مارے مر رہا ہے۔
انہوں نے کہا کہ 10 ماہ میں وفاقی حکومت کی کوئی کارکردگی نظر نہیں آئی، سوائے اپنے کیس ختم کرانے کے اور 1998 کی طرح ججوں کو تقسیم کرنے کی سازش ہورہی ہے۔ ملک 1998 کے حالات میں جارہا ہے۔
