گوگل نیوز پر ہمیں فالو کریںراولپنڈی: عوامی مسلم لیگ کے سربراہ اور سابق وزیر داخلہ شیخ رشید کو متروکہ وقف املاک راولپنڈی نے 7 روز میں لال حویلی خالی کرنے کا حکم دے دیا۔
ذرائع کا کہنا ہے کہ سابق وزیر داخلہ شیخ رشید کا لال حویلی سمیت متروکہ وقف املاک کی 7 اراضی یونِٹس پر قبضے کے معاملے پر متروکہ وقف املاک راولپنڈی نے سابق وزیر داخلہ اور انکے بھائی شیخ صدیق کو لال حویلی خالی کرنے کا نوٹس بے دخلی جاری کردیا۔
ڈپٹی ایڈمنسٹریٹر کے مطابق سات روز میں یہ حویلی خالی کردی جائے بصورت دیگر پولیس کی مدد سے اسے خالی کرایا جائے گا۔ اس کے ساتھ ہی ڈپٹی ایڈمنسٹریٹر نے پولیس کو بھی تعاون کے لیے خط لکھ دیا ہے جس میں ان سے 19 اکتوبر کو معاونت طلب کی گئی ہے۔
شیخ رشید اور ان کے بھائی سے متروکہ وقف املاک کے ڈپٹی ایڈمنسٹریٹر آصف خان کی جانب سے جاری کردہ نوٹس میں کہا گیا ہے کہ آپ کو پہلے بھی اظہار وجوہ کا نوٹس جاری کیا گیا لیکن نہ آپ پیش ہوئے اور نہ حویلی کے بقایا جات ادا کیے اس لیے آپ حویلی کے قبضے سے قانونی طور پر بے دخل ہوچکے ہیں۔
مزید پڑھیں:لانگ مارچ اکتوبر میں ہوگا، پوری تیاری کر لی ہے۔ عمران خان
سابق وزیر داخلہ کا حوالے سے کہنا ہے کہ یہ لوگ لال حویلی کے پیچھے پڑے ہیں، قانونی اور آئینی طور پر اس پر ہمارا حق ہے۔
