گوگل نیوز پر ہمیں فالو کریںاسلام آباد: زندگی ٹرسٹ کے صدر اور پاکستان کے معروف گلوکار شہزاد رائے نے تعلیمی اداروں میں جسمانی سزا اور بچوں پر تشدد کے خلاف اسلام آباد ہائیکورٹ میں درخواست دائر کردی۔
شہزاد رائے کی جانب سے دائر کی جانے والی درخواست میں موقف اختیار کیا گیا ہے کہ تعلیمی اداروں میں بچوں کو جسمانی سزا دینا معمول بن چکا ہے، آئے روز میڈیا میں ایسے واقعات رپورٹ ہوتے ہیں۔
درخواست میں کہا گیا ہے کہ بچوں پر تشدد اور سزا کی خبریں آئے روز میڈیا میں آرہی ہیں، جبکہ پڑھائی میں بہتری کے لئے بچوں کی سزا کو ضروری تصور کیا جاتا ہے اور ایک رپورٹ کے مطابق سزا کے باعث ہر سال 35 ہزار بچے اسکول چھوڑ رہے ہیں ۔
درخواست میں مؤقف اختیار کیا گیا ہے کہ پاکستان بچوں کے حقوق کے حوالے سے 182 ممالک کی فہرست میں 154 ویں نمبر پر ہے، ہ آرٹیکل 89 بنیادی انسانی حقوق اور بچوں کے حوالے سے یو این کنونشن کی خلاف ورزی ہے۔
یہ بھی پڑھیں: عبادت اور ذکر سے ملنے والی خوشی کہیں اور سے نہیں مل سکتی۔اداکار فیروز خان
