گوگل نیوز پر ہمیں فالو کریںپاکستان میں اشیائے ضروریہ کے ساتھ ساتھ تفریحی مقامات کی سیر بھی بہت مہنگی ہوگئی ہے، ملک کے بڑے شہر کے چڑیا گھر کے مہنگے داخلہ ٹکٹ کا انکشاف ہوا ہے، جس پر عوام میں شدید غم و غصہ پیدا ہوا ہے، تاہم اب چڑیا گھر وضاحت پر مجبور ہوگیا۔
لاہور چڑیا گھر کا ٹھیکا حاصل کرنے والی نجی کمپنی کی جانب سے انٹری فیس 300 روپے مقررکرنے کی خبر پر ترجمان نے وضاحت کی کہ حکومت کے مقرر کردہ نرخ کے حساب سے 100روپے انٹری فیس ہے جس کو ادا کرکے لاہور چڑیا گھر کا پورا جنرل ایریا دیکھا جا سکتا ہے۔
گووندا کی بیٹی کے خواتین کی ماہواری کے متعلق بیان نے طوفان کھڑا کردیا
ترجمان چڑیا گھر نے کہا کہ نجی کمپنی نے عوام کی آسانی کے لئے 2 کائونٹر بنائے گئے ہیں، جہاں انٹری فیس کائونٹر اور انٹری بمعہ انکلوژر کاؤنٹر موجود ہے، شہری 100روپے کا انٹری ٹکٹ لے کر چڑیا گھر میں داخل ہو سکتے، اور اندر جاکر مرضی کے جانوروں کے انکلوژر کا ٹکٹ خرید سکتے ہیں۔
انہوں نے کہا کہ کائونٹر پر اپنی مرضی سے انکلوژر کا ٹکٹ بھی خریدا جاسکتا ہے، کوئی بھی شہری اسے خریدنے کا پابند نہیں۔ چڑیا گھر میں داخلہ فیس 100، سانپ گھر 200، ہولو گرام 300، ایم آر ٹکٹ 100، جبکہ وی آر ٹکٹ بھی 100روپے کا ہے۔
ترجمان نے مزید کہا کہ عوام کو سستی تفریح فراہم کریں گے، سروس پرووائیڈر کی جانب سے اوور چارکنگ یا انٹری فیس کے ساتھ زبردستی انکلوژر ٹکٹ فروخت پر سخت کارروائی ہوگی۔
