گوگل نیوز پر ہمیں فالو کریںقومی کرکٹ ٹیم کے سابق کپتان شاہد آفریدی نے بین الاقوامی اردو کانفرنس کے ایک سیشن “میں ہوں کراچی” کے دوران مختلف موضوعات پر گفتگو کی۔
اپنی بیٹی انشا کے لیے داماد کے طور پر شاہین شاہ آفریدی کے انتخاب کے بارے میں بات کرتے ہوئے شاہد آفریدی نے کہا:”کوئی باپ اپنی بیٹی کا ہاتھ بغیر غور و فکر کے کسی کو نہیں دیتا۔
شاہین کی تربیت اچھی ہوئی تھی اور ہمارے خاندان ایک دوسرے کو اچھی طرح جانتے تھے لیکن کراچی منتقل ہونے کے بعد شاہین کے خاندان سے زیادہ رابطہ نہیں رہا مگر جن کوچز کے ساتھ اس نے کھیلا، وہ سب اس کی تعریف کرتے تھے۔”
پشپا 2 کی باکس آفس پر دھوم، چوتھے دن کمائی 800 کروڑ سے تجاوز
شاہین شاہ آفریدی سے متعلق پوچھے گئے سوال پر شاہد آفریدی نے وضاحت کی:”تحقیق واقعی کی گئی تھی۔ شادی کے انتظامات میں یہ ضروری ہوتا ہے، لیکن کسی بھی رشتے کو کامیاب بنانے کے لیے لڑکے اور لڑکی دونوں کا اچھا انسان ہونا ضروری ہے تاکہ ایک اچھی نسل تیار کر سکیں۔”
نانا بننے کے حوالے سے ایک سوال پر شاہد آفریدی نے مزاحیہ انداز میں جواب دیا:”میں خود کو نانا نہیں سمجھتا۔ جب میری پانچویں بیٹی کی شادی ہوگی اور اس کے بچے ہوں گے تب میں یہ کردار قبول کروں گا۔”
قومی کرکٹر شاہین شاہ آفریدی نے 3 فروری 2023 کو شاہد آفریدی کی بیٹی انشا سے شادی کی تھی اور اس سال کے شروع میں ان کے ہاں پہلے بیٹے کی ولادت ہوئی۔
