شہباز شریف یا مریم نواز؟ اگلے وزیراعظم کا فیصلہ ہوگیا

کراچی: پاکستان مسلم لیگ ن کے صدر شہبازشریف اور مریم نواز کے درمیان جاری سرد جنگ کے دوران عوام نے اگلے وزیراعظم کے حوالے سے اپنی رائے دیدی۔

جیو نیوز کے پروگرام میں مسلم لیگ ن کے رہنماو سابق وفاقی وزیرخزانہ مفتاح اسماعیل نے ن لیگ سے اگلے وزیراعظم کیلئے شہبازشریف اور مریم نواز کے درمیان سردجنگ کے حوالے سے کہا کہ 0فیصد لوگ سمجھتے ہوں گے اگلا وزیراعظم شہباز کے بجائے مریم کو ہونا چاہیے۔

مفتاح اسماعیل کا کہنا تھا کہ مریم نوازاور شہباز شریف دونوں ہی خود کو وزیراعظم دیکھتے ہیں تاہم امکان ہے کہ شہباز شریف کی باری پہلے ہوگی۔ بعد ازاں میزبان نے انہیں بتایا کہ 38 فیصد عوام سمجھتی ہے کہ ن لیگ سے اگلا وزیر اعظم شہباز شریف کے بجائے مریم نواز کو ہونا چاہیے۔

مزید پڑھیں:نوازشریف نے بغیر مکمل ہوم ورک عدم اعتماد کی مخالفت کردی

واضح رہے کہ مسلم لیگ ن کے قائد وسابق وزیراعظم نوازشریف کے بیرون ملک جانے کے بعد شہباز شریف اور مریم نواز کے درمیان سردمہری پائی جارہی ہے۔

شہبازشریف اور مریم نوازکے حامی الگ الگ گروپس بناکر دونوں کے حق میں مہم چلارہے ہیں تاہم اگلا وزیراعظم کون ہوگا یہ توآئندہ الیکشن کے بعد ہی پتاچلے گا۔