گوگل نیوز پر ہمیں فالو کریںبلوچستان کے ضلع خضدار میں بدھ کی صبح زیرو پوائنٹ کے قریب اسکول بس کے قریب دھماکہ ہوا جس کے نتیجے میں متعدد طلبہ جاں بحق اور زخمی ہو گئے۔
خضدار کے ڈپٹی کمشنر نے تصدیق کی ہے کہ دھماکے میں کم از کم چار بچے جاں بحق ہوئے ہیں، جبکہ کئی دیگر زخمی ہیں، جنہیں فوری طور پر سی ایم ایچ خضدار منتقل کر دیا گیا ہے۔
دھماکے کے بعد سیکورٹی فورسز نے علاقے کو محصور کر کے شواہد اکٹھے کرنے کا عمل شروع کر دیا ہے۔ قانون نافذ کرنے والے ادارے واقعے کی مکمل تحقیقات میں مصروف ہیں۔
سرکاری سطح پر مکمل تفصیلات جاری نہیں کی گئیں تاہم غیر مصدقہ اطلاعات کے مطابق آرمی پبلک اسکول کی بس کو نشانہ بنایا گیا اور ہلاکتوں کی تعداد 40 کے قریب بتائی جا رہی ہے۔
واقعہ کے بعد علاقے میں خوف و ہراس پھیل گیا ہے اور شہریوں سے اپیل کی گئی ہے کہ وہ افواہوں سے گریز کریں اور صرف مصدقہ ذرائع پر اعتماد کریں۔
