گوگل نیوز پر ہمیں فالو کریںدبئی: بھارتی ٹینس اسٹار و قومی کرکٹ ٹیم کے آل راؤنڈر شعیب ملک کی اہلیہ ثانیہ مرزا کی اپنے بیٹے اذہان کو دعائیں سکھانے کی ویڈیو سوشل میڈیا پر وائرل ہونے کے بعد مداحوں نے بھرپور خیر مقدم کیا ہے۔
ثانیہ مرزا نے انسٹاگرم پر ایک ویڈیو شیئر کی جس میں وہ ننھے اذہان کو دوران سفر اور سونے سے پہلے پڑھنے والی دعائیں سکھا رہی ہیں۔مداحوںکا کہنا ہے کہ ثانیہ مرزا ٹینس اسٹار ہونے کے باوجود ایک اچھی ماں ہونے کا فرض نبھا رہی ہیں۔
ثانیہ مرزا کا کہنا ہے کہ مجھے فخر ہے کہ میں ایک ماں ہوں ، ان کا کہنا ہے کہ میرے بیٹے نے پانچ دن میں دعائیں سیکھی ہیں اور آہستہ آہستہ اس کے تلفظ میں بھی بہتری آئیگی اور مجھے خوشی ہے کہ میرا بیٹا بہت اچھی طرح دعائیں سیکھ رہا ہے۔
ان کا کہنا ہے کہ بچے کوئی بھی کام جلدی سیکھ لیتے ہیں ، میں نے چند بار تلاوت کی اور ماشااللہ میرے بیٹے نے یاد کرلیا ہے۔
مزید پڑھیں:بھارتی ٹینس اسٹار ثانیہ مرزا بھی پاکستانی ڈراموں کی مداح نکلیں
ثانیہ مرزا نے گزشتہ ہفتے بھی اپنے بیٹے اذہان کی ایک ویڈیو شیئر کی تھی جس میں وہ اپنے والد شعیب ملک کے ساتھ موجود تھے۔
