ریاض میں سلمان خان کا کنسرٹ، ہزاروں افراد شریک ہوئے

ریاض: سعودی عرب کے دارالحکومت ریاض میں بالی وڈ سپر اسٹار سلمان خان کا میوزک کنسرٹ ہوا جس میں ہزاروں افراد شریک ہوئے۔

دبنگ خان گزشتہ دنوں بالی وڈ اداکاراؤں اور اداکاروں کے ہمراہ سعودی دارالحکومت ریاض پہنچے تھے جہاں انہوں نے پریس کانفرنس بھی کی تھی۔

سلمان خان نے گزشتہ شب ریاض کے سیاحتی و تفریحی مقام بولیورڈ ریاض سٹی میں میوزک کنسرٹ کیا جس میں ہزاروں افراد نے شرکت کی۔

کنسرٹ میں سلمان خان کے علاوہ شلپا شیٹی اور دیگر نے مختلف گانوں پرپرفارم کیا۔اس موقع پر سلمان خان کا مداحوں کو کہنا تھاکہ ایسے شوز اب ہوتے رہیں گے۔

مزید پڑھیں: ماہرہ نے ڈرامہ ’ہم کہاں کے سچے تھے‘ کی بارے میں غلط فہمی دور کردی

سلمان خان کا کہنا تھا کہ خوش رہیں اور خیال رکھیں۔ان کا کہنا تھاکہ سعودیہ میں سب پیار محبت سے رہیں اور محنت سے کام کریں، اگلی بار پھر سے ملاقات ہوگی۔